Milimo 26:10 - Amazwi Yakwe Leza 2013

¹⁰ Nu kucita avino nacitanga mu Yelusalemu. Nayanga nkulenga maka kuli yasimapepo akalamba akuyalila antu yakwe Leza aingi mu mang'anda yaminyololo. Na lino yapingwilwanga ukufwa, nani nazumilizyangako.

Milimo 26:10 交叉參考

Milimo 8:3

Lelo Saulo aezya ukonona iuvi. Wayanga ing'anda ni ng'anda, ala akulema yano ataila, aonsi na anaci, akuyaleta kuti yayayalile mu ng'anda yaminyololo.

Milimo 9:21

Antu yonsi amuvwanga yazunguka yauzyanya yati, “Uzye wii asi muntu wino akakoma yano akataka izina lii mu Yelusalemu? Uzye atizile kuno pamulandu uli umwi kwene uwakulema antu yao nu kuyasenda kuli yasimapepo akalamba?”

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

Milimo 9:26

Walanga Saulo waya ku Yelusalemu, aezya kuminkana na alondezi yauze. Lelo yonsi yamoopa pano yatataile vino wene wataya mulondezi.

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Milimo 7:58

yamufumizya kunzi ya musumba, nga yamutama na mawe. Yakambone yasya makoti yao ku mulumendo umwi izina a Saulo.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Efeso 1:1

Kalata kufuma kuli ne Paulo, ne muno nasolwa kuti nje mutumwa wakwe Klistu Yesu. Ku antu yakwe Leza yonsi yao akaikala mu Efeso nupya alondezi ataila muli Klistu.

Galatiya 1:13

Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

Milimo 9:41

Petulo amulema pi kasa amukatusya. Alino aama yano onsi ataile, pali pamwi na yamukamfwilwa, amulangizya kunoyali ala umumi.

Milimo 9:32

Petulo wapitanga konsi konsi, nga pa kasita kamwi waile atandalila antu yakwe Leza ku Lida.

Masamu 16:3

Kuli yayo akaele aya muno nsi, ali yacindame yane yano nemo nkazangilamo.