Milimo 22:5 - Amazwi Yakwe Leza 2013

⁵ Simapepo Mukulu pamwi na amwi Tengo yonsi yangancitila umboni ukuti nemo nkuvwanga icumi. Yene yampile makalata akuyalangizya ku Ayuda aina itu amu Damasiko. Caleka naile kuku kuti nkaleme antu kwene yaa, nga njalete ku Yelusalemu ale yanyefilwe mu minyololo, kuti yavunukwe.

Milimo 22:5 交叉參考

Luka 22:66

Lyene lino waca, aikolo, yasimapepo akalamba, na yakasambilizya ya Masunde yakongana pali pamwi, yaleta Yesu mwi Tengo lyao.

Milimo 5:21

Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

1 Timoti 4:14

Utatazyela uwila wa mupasi uno uli munuli, nupya uwapilwe kunuli lino yakasema yavwanzile na ikolo yakupolelile apa kwika makasa yao panuli.

Milimo 28:21

Alino yamunena yati, “Tutapokelela makalata yamwi kufuma ku Yudeya akulanda pali wewe, nanti antu itu yamwi yatiza kuno kwiza landa cintu cimwi ciipe pamulandu wako.

Milimo 26:12

“Wali uli mulandu kwene uno nayanga ku Damasiko ala indi na maka nga ni nsambu kufuma kuli yasimapepo akalamba.

Milimo 26:10

Nu kucita avino nacitanga mu Yelusalemu. Nayanga nkulenga maka kuli yasimapepo akalamba akuyalila antu yakwe Leza aingi mu mang'anda yaminyololo. Na lino yapingwilwanga ukufwa, nani nazumilizyangako.

Milimo 22:1

“Inane na yatata, uvwini kunondi lino inkuivwangila kunomuli!”

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Milimo 9:14

Wataiza kuno na maka kufuma kuli yasimapepo akalamba ukwiza lema yonsi akapepa mwi zina lyako.”

Milimo 4:5

Lyene katondo lino waca intunguluzi zya Ayuda, aikolo, na yakasambilizya ya Masunde yakongana mu Yelusalemu.

Milimo 1:15

Pacisila ca manda yanono kwali ukongano wakwe yao ataile. Yali manye umwanda na makumi yaili. Alino Petulo aimilila pakasi kao avwanga ati,

Milimo 2:29

“Inane, lekini munene paswe pamulandu wa cikolwe citu Davidi. Wene wafwile, azikwa, ni lindi lyakwe licilipo pakasi kitu ni lelo kwene.

Milimo 3:17

“Acino ndakai, inane, natimanya vino mwemo pamwi ni ntunguluzi zinu mwacisile cii pamulandu wa kuntamanya kwinu.

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Milimo 23:6

Lino Paulo walola ukuti iumba limwi lyali ilya Asaduki ni lyuze ilya Afaliseo. Alaizya umwi Tengo ati, “Mwe inane! Nene Mufaliseo, mwana wa Afaliseo. Inkupingulwa pano nkupaalila ukuti afwe yalazyukuka yaye aumi.”

Milimo 26:11

“Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

Milimo 28:17

Pacisila ca manda yatatu, Paulo aama intunguluzi zya Ayuda. Lino zyakongana, azinena ati, “Mwe inane! Nemo indi kuno wa munyepwe kufuma ku Yelusalemu. Nanti angala ntasuzile mutundu witu nanti ntambi zino twapokelile kufuma ku vikolwe vitu, napiilwe mu makasa ya ina Loma.

Galatiya 1:13

Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.