Milimo 22:4 - Amazwi Yakwe Leza 2013

⁴ Nazunyanga nu kukomisya yamwi alondelanga nzila ya Mwene. Nalemanga aonsi na anaci nu kuyayalila mu ng'anda yaminyololo.

Milimo 22:4 交叉參考

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

Filipi 3:6

Nali nu muzonda cakuti nazunyanga iuvi. Nacitanga vyonsi vyawololoke vino Masunde yalanda, mu kucita vivyo ntatazile mfume mwanzila.

Milimo 24:14

Lelo nkuzumila cii pa manso inu, ukuti nkapepa Leza wa vikolwe vitu pa kulondela inzila ilya ino yakati iyaufi. Lelo nataila na muli vyonsi ivyalembwa mu Masunde yakwe Mose, nu mu mpapulo zyakwe yakasema.

Milimo 19:23

Cali pa nsita kwene ii lino kwali cimvulunganya mu Efeso pamulandu ni nzila ya Mwene.

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 18:26

Watandike ukuvwanga nu kupama mu ng'anda yamapepo. Lino Pulisila na Akwila yamuvwa, yamusenda ku ng'anda kumwao yamulondolwela ningo ivya nzila yakwe Leza.

Milimo 16:17

Wene walondelanga Paulo naswe ala akupunda ati, “Antu yaa, aomvi yakwe Leza wa papelapela! Yakumunena vino mungatuulwa!”

Milimo 9:21

Antu yonsi amuvwanga yazunguka yauzyanya yati, “Uzye wii asi muntu wino akakoma yano akataka izina lii mu Yelusalemu? Uzye atizile kuno pamulandu uli umwi kwene uwakulema antu yao nu kuyasenda kuli yasimapepo akalamba?”

Milimo 7:58

yamufumizya kunzi ya musumba, nga yamutama na mawe. Yakambone yasya makoti yao ku mulumendo umwi izina a Saulo.

Galatiya 1:13

Mwamanya vino nikalanga wa Muyuda mu upefi wa Ciyuda, na vino nazunyizye iuvi lyakwe Leza kwaula luse nga nu kuombesya cuze kuti ndyonone.

2 Petulo 2:2

Vivyo kwene antu aingi yalalondela misango iya ulenzyo. Acino pamulandu wa vintu vino yakacita, yauze yalavwangila ilandwe lisuma viipe.