Milimo 20:7 - Amazwi Yakwe Leza 2013

⁷ Pa wanda wakutandika mulungu tukongana pali pamwi ku kumokoola umukate wa wina. Paulo avwanga ku antu, atantalizya kuvwanga kufika usiku pakasi, pano wali nu kupita uwanda walondelela.

Milimo 20:7 交叉參考

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

Milimo 2:42

Mu nsita zingi antu yakonkowizye kusambilila ku atumwa, nu kutoola imbali mu utandano nga nu mukumokoola umukate wa wina nga nu mu mapepo.

Yoane 20:19

Lyene manguzi pa wanda wakutandika mulungu, lino ilanzi lyatemba, alondezi yakongine pamwi. Milyango ya ng'anda nayo ala yatifiikilwa, pano yoopanga intunguluzi zya Ciyuda. Alino Yesu aiiza aimilila pakasi kao, ayanena ati, “Mutende uye namwe.”

Yoane 20:1

Katondo tondo pa wanda wakutandika mulungu, lino kucili mfinzi, Maliya uwaku Magadala aya kwi lindi, nga alola vino iwe lyati lisisiwa pa mulyango wi lindi.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

Milimo 20:11

Lyene aswilila pa ng'anda ya papela, amokoola umukate, nga alya na ina. Pacisila ca kuvwanga nao pa nsita ntali, ukufika na pa macaca kwene, Paulo afumako.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 20:9

Umulumendo izina lyakwe Yutuko watenzi lwapa nzota lino Paulo watantalizye kukosola. Yutuko wasipulanga anyomelwa nu tulo nga apona pansi kufuma pa ng'anda ya papela yakwe citatu. Lino yamukatusya, ala watafwa.

Luka 24:35

Lyene nao oili yalondolwela auze cino icacitike pa museo, na vino yamanyile Umwene lino wamokoozile umukate.

1 Kolinto 15:10

Lelo ku cikuku cakwe, Leza wancita kuya vino ndi, ni cikuku cakwe citali caula milimo kunondi kuluta atumwa yauze, nanti angala asi anene naombanga, lelo maka yakwe Leza akankomelezya.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

Milimo 20:31

Pempulini, lyene nu kwiusya ukuti pa myaka itatu, musanya nu usiku, namusambilizye cila wenga, na minsozi.

Milimo 2:46

Uwanda nu wanda yakongananga ku kupepa mu Ng'anda ikulu yakwe Leza. Yalyanga apali pamwi mu mang'anda yao, ukulya cakulya ni myenzo ya luzango ifuke,

Yoane 20:26

Pacisila ca manda cinani, alondezi yakwe pali pamwi na Tomasi nupya yali mukasi ka ng'anda. Alino Yesu aiiza aimilila pakasi kao, ala ni milyango yatifiikilwa, nga ayanena ati, “Mutende uye namwe.”

Luka 22:19

Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

Neemiya 9:3

Cila muntu aimilila apa ncende yao, ala yakuyawelengela mu Lupapulo lwa Masunde yakwe Yawe Leza wao. Apa nsa zitatu ala yakuwelenga nu kupituluka umu Masunde yakwe Yawe. Alino nupya apa nsa zyuze zitatu yafukama nu kupepa nu kuilongwela amaifyo kuli Yawe Leza wao.

Neemiya 8:3

Papa kwene apa nkolelo ya Mpongolo ya Manzi, apano watankamala, watandika nu kuwelengela iuvi mu Lupapulo lwa Masunde, ukutandika sile uku macaca, suka lino ilanzi lyafika umutwe apakasi. Na yonsi ale yali cele nu kuvwikisya sana.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Mako 16:9

Pacisila lino Yesu wazyukuka kufuma ku mfwa, katondo tondo pa wanda wakutandika mulungu, aloleka inkolelo kuli Maliya uwaku Magadala, wino wafumizyemo mipasi yankota cinimbali.

Milimo 16:10

Zuwazuwa lino Paulo walola cilolwa, tuiteyanya kuya ku Makedoniya, pano twiluka ukuti Leza watwama kuya kosola Ilandwe Lisuma ku antu ya kuku.

Milimo 20:5

Yakolezile nu kutulolela mu Tuloa.