Milimo 20:1 - Amazwi Yakwe Leza 2013

¹ Walanga mpanzela yasila, Paulo aama alondezi ayakomelezya, nga ayapakasya, apita aya ku Makedoniya.

Milimo 20:1 交叉參考

2 Kolinto 7:5

Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

1 Timoti 1:3

Nkulonda kuti wemo wikale mu Efeso, wakwe vino nakukonkomizye lino nayanga ku Makedoniya. Antu yamwi kuku yakusambilizya masambilizyo yaufi, acino nkulonda kuti uyalesye.

1 Tesalonika 5:26

Mulamuke ataila yonsi mu kutonsolana kwa wina.

1 Kolinto 16:20

Aina itu yonsi kuno nao kwene yamulamuka. Mulamukane mukutemwa kwa cumi.

1 Kolinto 16:5

Ndiza mfike kunomuli pacisila ca kupita mu mpanga ya Makedoniya.

Loma 16:16

Mulamukane mu kutonsolana kwa wina. Mauvi yonsi yakwe Klistu yakumulamuka.

Milimo 20:37

Onsi yalilanga lino yakumukukutila nu kumutonsola kwa kumupakasya.

Milimo 20:10

Lelo Paulo aika nga akupama panoli amukumbata, ayanena ati, “Mutasakamala, acili nu umi!”

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 11:26

Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.

Utandiko 48:10

Manso yakwe Yakobo yatalolekesyanga pamulandu wa ukote. Caleka walolanga cizyuzye. Lyene Yosefu atwala alumendo kunoli, acino Yakobo ayakumbatila, nga ayatonsola.

2 Kolinto 13:12

Mulamukane nu kutonsolana kwa wina Klistu.

Milimo 16:12

Kufuma kuku twapisile pa mulundu tuya ku Filipi, musumba wankolelo mu mpanga ya Makedoniya, nayo kwene yali mpanga ya ulasi wa Ciloma. Twatenzimo manda aingi.

Milimo 20:2

Apita mu miputule ya mpanga zizi ala akukomelezya antu mu mazwi aingi. Alino afika ku Gilisi,

Milimo 20:3

akuno aikala myezi itatu. Wateyanyanga ulendo wakuya ku Silya lino wamanyile ukuti Ayuda yati yumana kapi kuti yamukome. Caleka aelenganya kupita nzila yuze yakuya ku Makedoniya.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.