Milimo 2:4 - Amazwi Yakwe Leza 2013

⁴ Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

Milimo 2:4 交叉參考

Mako 16:17

Alino vilangililo vii vilaya na yano ataila. Mwi zina lyane yalafumya mipasi yankota, yalavwanga mu ndimi zyuze,

Milimo 13:52

Lelo alondezi amu Antioki yazuziwa nu luzango nga na Mupasi Wamuzilo.

Milimo 4:31

Lino yamala kupepa, ng'anda ino yakonganilemo itenta. Onsi yazuziwa na Mupasi Wamuzilo, alino yatandika kukosola ilandwe lyakwe Leza nu kuposya.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Kolinto 12:10

Mupasi Wamuzilo akapeela muntu umwi maka akucita vinjelengwe. Kuli muze nawe amupeela uwila wakulanda ilandwe lyakwe Leza. Kuli muze nawe amupeela maka akulondolola kupusana kwaya pa mawila yano yafuma kuli Mupasi Wamuzilo nga na yano yatafuma kunoli. Kuli muze nawe akamupeela maka akulandila mu ndimi zyuze zitamanyika, nga na kuli muze nawe akamupeela maka akulondolola vikulandwa mu ndimi zitamanyika.

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Milimo 19:6

Paulo aika makasa yakwe panoyali, na Mupasi Wamuzilo aikila panoyali, nao yavwangila mu ndimi zipusanepusane nu kukosola ilandwe lyakwe Leza.

Milimo 10:46

Pano yuvwa yakuvwangila mu ndimi zya misango yuze ala yakulumbanya ukulu wakwe Leza. Petulo avwanga ati,

Milimo 9:17

Caleka Ananiya apita, aya aingila mu ng'anda muno Saulo wali, aika makasa yakwe panoli amunena ati, “Mwinane Saulo, Mwene umwisikulu, wino uwalolike kunuli umu nzila lino wizanga kuno, wata ntuma pakuti ungalola nupya uzuziwe na Mupasi Wamuzilo.”

Milimo 7:55

Lelo Sitivini, uwazuziwe na Mupasi Wamuzilo, alingamila kwiyulu nga alola lulumbi lwakwe Leza, na Yesu ala aimi kwi kasa lilunji lyakwe Leza!

Milimo 1:5

Yoane wawatizyanga na manzi, lelo kwasyala manda yanono lino mwemo mulawatiziwa na Mupasi Wamuzilo.”

1 Kolinto 13:8

Kutemwa ukwa pe. Malandwe ya usemo nga nu kulandila mu ndimi zitamanyika, vyonsi kwene vilasila. Kumanya nako kwene kwakwata impela yakweko.

1 Kolinto 13:1

Ningakwata maka akulandila mu ndimi zya antu nga ni zya angeli kwene. Lelo ndi ntakweti kutemwa, ale kulanda kwane kuli wa kulila kwa cela nanti wa nsawa.

Milimo 13:9

Lyene Saulo, zina lyuze a Paulo, azuziwa na Mupasi Wamuzilo, alolekesya pa muntu wa malele amunena ati,

Milimo 2:11

Ayuda nga na Akulukuwa yao asenukile ku mipepele ya Ciyuda. Yamwi munotuli aina Kulete nga na ina Alabya. Lelo swensi tukuvwa yakuvwanga mu ndimi zitu pamulandu ni vintu vikulu vino Leza wacita.”

Luka 12:12

Pano Mupasi Wamuzilo alamumanyisya pa nsita ilya pali vino muli nu kuvwanga.”

1 Kolinto 14:18

Nkutaizya Leza pano nemo nkalandila mu ndimi zitamanyika kuluta mwemwe.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Milimo 4:8

Petulo azuziwa na Mupasi Wamuzilo, nga aasuka ati, “Mwe ntunguluzi na mwe ikolo,

Yoane 20:22

Lino wavwanga vii ayaputa mupu, ayanena ati, “Pokelelini Mupasi Wamuzilo.”

Luka 4:1

Yesu awela kufuma ku luzi lwa Yodani, ala azuziwemo na Mupasi Wamuzilo. Lyene Mupasi Wamuzilo amutungulula ku lwanga,

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Kolinto 14:5

Ningatemwa kuti mwensi kwene mwalandila mu ndimi zitamanyika. Lelo cingazipisya ndi mwakweti uwila wa kusema ilandwe kufuma kuli Leza. Pano umuntu wino akusema ilandwe kufuma kuli Leza, waluta wiyo akalandila mu ndimi zitamanyika, suka ndi pali umwi pipi uwakulondolola vino vikulandwa, pakuti iuvi lyonsi lyazwiwe.

Milimo 11:15

Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika.

Milimo 6:5

Lyene mazwi ya atumwa yazipila iumba lyonsi nga yasola Sitivini, umuntu uwali nu utailo ukulu cuze nupya wazuziwemo na Mupasi Wamuzilo. Filipo nga na Polokolasi, Nikana, Timoni, Pamenasi na Nikolasi, umusenusi wafumile ku Antioki

Milimo 6:3

Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Ezaya 59:21

Alino nupya ne Yawe napangana namwe upangano wakuti nemo napeela amaka yane na masunde yane. Fwandi mwemo mulinzile ukuviyela, nu kuvisambilizya ku yana yinu na izikulu inu, ukutandikila sile apilelo ukufika nu kumpela ya manda. Kuu kuli kulanda kwakwe Yawe.

Ezaya 28:11

Lyene mwemo ndi mutakasi ukuuvwa kuli ne Ezaya, lyene fwandi Leza umweneco kace amutumile ainamasi akayenda pakuvwanga uleke ayano yace yize yamusunde.

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Efeso 3:19

Endi! Nkupepa kuti mwensi mumanye kutemwa kwakwe Klistu nanti angala kwene kwayembesya cakuti kutangapimwa. Lyene umi winu ulazuziwa ni miyele yakwe Leza.

Milimo 11:24

Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.

Milimo 6:8

Sitivini wali umuntu wino Leza wapolelile umwenzo wakwe pakulu cuze nu kumupeela maka. Wene wacitanga vinjelengwe vikulu ni vizungusyo pakasi ka antu.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Luka 1:67

Lyene Zakaliya isi wakwe Yoane azuziwa nu Mupasi Wamuzilo nga avwanga mazwi afumile kuli Leza ati,

Luka 1:41

Lyene walanga lino Elizabeti uvwa kulamuka kwakwe Maliya, umwana asukana umunda yakwe. Elizabeti nawe azuziwa na Mupasi Wamuzilo,

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Mateo 10:19

Lelo lino yalamulema, mutakalanguluke nkolelo pali vino mulavwanga nanti musango uno mulavwangilamo. Lino nsita iliza mulapelwa cino mulavwanga.

1 Samueli 10:10

Lino yafika ku Gibeya, akamulongo kakwe yakasema ikamukomenkanya. Alino Mupasi wakwe Yawe wikila panoli na maka, nga nawe atandika ukusema pamwi nayo.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

Ezekelo 3:11

Nupya ku ina Izlaeli auzo mu uzya uye ukayanene vino ne Yawe Simwandalali nkukunena, nanti yace yakuvwe nanti yatace yakuvwe.”

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

1 Samueli 1:14

amunena ati, “Uzye uwengwa uno umwile umakukololoka kufika lilaci? Tala pitanga uye ukakololoke.”

Milimo 2:3

Lyene yalola cimbilimbili ca moto ciputokele, cikuloleka wa lulimi, ciikala pali cila muntu.

Milimo 8:17

Lyene Petulo na Yoane iika makasa yao panoyali, nga nao yapokelela Mupasi Wamuzilo.

Milimo 10:47

“Antu yaa yati yapokelela Mupasi Wamuzilo, wakwe vino naswe twapokelile. Uzye kungaya umwi angayalesya kuti yawatiziwe na manzi?”

Milimo 15:8

Lyene Leza, wino uwamanya vyaya mu myenzo ya antu, walanzile vino watazengela Akulukuwa pa kuyapela Mupasi Wamuzilo, wakwe vino naswe watupile.