Milimo 2:22 - Amazwi Yakwe Leza 2013

²² “Mwe ina Izlaeli, uvwini mazwi yaa. Yesu uwaku Nazaleti umuntu wino Leza watumile kuli mwemwe, walangililwe mu vinjelengwe, mu vizungusyo, nga nu mu vilangililo vino Leza wacisile kupitila munoli. Mumanyile vii vyonsi, ukuti ivya cumi pano vyacitike.

Milimo 2:22 交叉參考

Yoane 3:2

Wene waile kuli Yesu usiku, amunena ati, “Kasambilizya, twamanya vino wewe Kasambilizya wino wafuma kuli Leza. Pano pasi umuntu angacita vilangililo vino wemo ukacita, suka Leza ali nawe.”

Milimo 4:10

lyene mulinzile kumanya, nga na antu yonsi aina Izlaeli nao kwene yamanye vino umuntu wii wino aimi nkolelo inu watapola ningo ku maka aya mwi zina lyakwe Yesu Klistu uwaku Nazaleti. Yesu wino mwatanyile pa lupanda, wino Leza wazyukwile kufuma ku afwe.

Luka 11:20

Lelo ndi nkafumya mipasi yankota mu maka yakwe Leza, ale lyene Uwene wakwe Leza wati wiza panomuli.

Mateo 12:28

Lelo ndi cakuti nkafumya mipasi yankota mu maka ya Mupasi wakwe Leza, ale lyene Uwene wakwe Leza wati wiza panomuli.

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

2 Kolinto 12:12

Vinjelengwe nga ni vizungusyo vingi vino vikasininkizya ukuti nene mutumwa vyene vyacisilwe pakasi kinu mu kuteeka kwa myenzo.

Milimo 26:26

Mwene Agilipa! Ningavwanga kunuli nu kupama, pano umanyile vintu vii. Nati nsininkizya ukuti pasi cimwi cino utamanyile, pano vintu vitacitikile mu umfisolo.

Milimo 26:9

“Lelo nani nelenginye ukuti, indi nukwezya na maka yane yonsi ukulwisya izina lyakwe Yesu uwaku Nazaleti.

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Milimo 22:8

Nuzya inti, ‘Uzye wewe weni Mwene?’ Nawe anena ati, ‘Nene Yesu uwaku Nazaleti, wino ukuzunya.’

Milimo 21:28

Yapunda yati, “Mwe ina Izlaeli, twazwini! Wii ali muntu akapita konsi ala akusambilizya wensi ukusula aina Izlaeli, Masunde yakwe Mose, nga ni Ng'anda ii ikulu yakwe Leza. Lyene ndakai wataleta na Akulukuwa kwene mu Ng'anda ikulu yakwe Leza nu kukowezya icifulo camuzilo!” (

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Milimo 13:16

Alino Paulo aimilila, aimika ikasa, atandika kuvwanga ati, “Mwe ina Izlaeli yanji nga na mwe Akulukuwa yonsi ali pano, mwe muno mukapepa Leza, nguvwini!

Milimo 6:14

Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!”

Milimo 5:35

Lyene anena amwi Tengo ati, “Mwe ina Izlaeli, mutekele pali cino mukulonda kucita ku antu yaa.

Milimo 3:12

Lino Petulo walola antu ayauzya ati, “Mwe ina Izlaeli, uzye pacani mukuzunguka pali vii? Uzye pacani mukutulolekesya kwati mu maka itu nanti ukapepa witu wacilamo vyati vilenga kuti aapita?

Yoane 19:19

Pilato walemvile cimanyisyo nu kucipampamila pa lupanda. Palemvilwepo ukuti “Yesu uwaku Nazaleti, Mwene wa Ayuda.”

Yoane 15:24

Ndi pakasi kao ntizile ncita vintu vino umuntu nanti wenga atatala wacita, nga yasi nu mulandu wa kwifya. Lelo yalola vino nacita, nga yapata Tata pamwi nani kwene.

Yoane 12:17

Caleka iumba lino lyali nawe lino wamile Lazalo kuti afume mwi lindi, nga nawe azyukuka, lyaile lipela umboni pali vino vyacitike.

Yoane 11:47

Caleka yasimapepo akalamba na Afaliseo yakongana na amwi tengo yati, “Uzye tumacita uli? Lolini vilangililo vyonsi vino umuntu wii akucita!

Yoane 10:37

Ndi nsyakucita vintu vino Tata akasi kuti nacita, lyene mutantaila.

Yoane 9:33

Umuntu wii atangacita cimwi, suka ndi wafuma kuli Leza.”

Yoane 7:31

Lelo amwi umba aingi yamutaila yati, “Lino Katuula uwalavilwe aliza, uzye alacita vilangililo kuluta vii vino umuntu wii akucita?”

Yoane 6:27

Mutaombela cakulya cino cikalowa, lelo mwaombela cakulya cino cikaikalilila manda pe nupya cikapela umi wape. Cii cili cakulya cino Mwana wa Muntu alamupeela, pano Leza Tata wamupeela insambu yakucita vivyo.”

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 5:36

Umboni uno nkweti ulusile umboni wakwe Yoane. Pano milimo ino Tata wampeela kuti malile iili milimo ino nkacita. Milimo kwene ii, ikapela nu umboni wakuti Tata uwantuma.

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Luka 24:18

Lyene wenga pano yali izina lyakwe a Keleopa, amuuzya ati, “Uzye wewe uli mwenyi wenga sile mu Yelusalemu atamanyile vintu vino vyati vicitikamo mu manda yaa?”

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Milimo 2:19

Ndacita vinjelengwe mwiyulu papela nga ni vilangililo pano pansi, kulaya wazi, moto, ni cifutika ca cunsi.

Milimo 2:43

Atumwa yacitanga vinjelengwe ni vizungusyo ivingi icakuti cileta ni ntete ku muntu wensi.

Milimo 3:6

Petulo amunena ati, “Ntakweti nanti lupiya lumwi, lelo namakupeela cino nkweti. Mwi zina lyakwe Yesu Klistu uwaku Nazaleti Katuka wapita!”

Luka 18:37

Nao yamwasuka yati, “Yesu uwaku Nazaleti aliwe akupita.”