Milimo 18:4 - Amazwi Yakwe Leza 2013

⁴ Cila Sabata wayanga ku ng'anda ya mapepo ala akwezya kutonsya Ayuda na Agiliki kuti yazumile.

Milimo 18:4 交叉參考

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 17:17

Caleka Paulo wayanga kung'anda yamapepo kukulanzyanya na Ayuda na Akulukuwa yao apepanga Leza wacumi, nga nu mumasokoni kwene wacitanga cili conga manda onsi kuli yano wazanangako.

Milimo 26:28

Agilipa auzya Paulo ati, “Uzye ukwelenganya ungampindulula kuti inje mwina Klistu mu kasita kwene kaa kanono?”

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 19:8

Lyene Paulo aya mu ng'anda ya mapepo ya Ayuda, nga pa myezi itatu avwanga ku antu nu kupama ala akwezya na maka ukuyatonsya pamulandu wa Wene wakwe Leza.

Milimo 18:13

yavwanga yati, “Umuntu wii, akwezya kunena antu ukuti yapepa Leza mu musango utalingine ni sunde!”

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Luka 16:31

Lelo Abulaamu amunena ati, ‘Ndi yataluvwa ivyaya mu mpapulo zyakwe Mose na yakasema, nanti umwi angazyukuka kufuma ku afwe yatangasininkizya.’”

Luka 4:16

Lyene Yesu waile ku Nazaleti kuno wakulile. Pa Sabata, aingila mu ng'anda ya mapepo, umwaelile mwata wakwe, nga aimilila kuti awelenge.

2 Milandu 32:11

Uzye ale Hezekiya watamutumpika ukuti Yawe Leza winu atalamupeela mu makasa ya mwene waku Asilya? Mulafwa sile ni nzala nu lusala.

Utandiko 9:27

Su Mwene Leza angalenga kuti Yafeti asanduluke, na ana yakwe yakikale pamwi na ana yakwe Syemu. Kenani alaya muzya wakwe Yafeti.”

Yoane 7:35

Alino intunguluzi zya Ciyuda izyuzyanya ziti, “Uzye umuntu wii alaya kwi, kuno tutalamuzana? Uzye alaya ku misumba yaku Akulukuwa kuno antu itu yamwi yakaikala, kuti akasambilizye Akulukuwa?

Milimo 9:20

Alungama sile mu mang'anda ya mapepo atandika kukosola ndi vino Yesu Mwana wakwe Leza.

Milimo 14:1

Ivyacitike ku Antioki ivyacitike nu ku Ikoniamu kwene. Paulo na Banaba ingila mu ng'anda ya mapepo ya Ayuda, yene yakosola na maka cakuti Ayuda na Akulukuwa aingi yataila muli Yesu.

Milimo 18:19

Lino yafika mu Efeso, Paulo asya Pulisila na Akwila. Alino aingila mu ng'anda ya mapepo nga apazyanya na Ayuda.