Milimo 17:3 - Amazwi Yakwe Leza 2013

³ ala akuyalondolwela nu kuyasinila vino calingine kuti Klistu acule nu kuzyukuka kufuma ku afwe. Paulo ayanena ati, “Yesu kwene wii, wino nkukosola kunomuli ali Klistu.”

Milimo 17:3 交叉參考

Milimo 18:28

Wene wapazyanyanga na Ayuda mu mivwangile pa manso ya antu, ala akuyasinila mu malembelo vino Yesu a Klistu.

Milimo 9:22

Lelo kukosola kwakwe Saulo kuya ukwa maka kuluta, ni visinka vyakwe ivyakuti Yesu wali a Klistu vitali vyakutwisika, cakuti Ayuda ali mu Damasiko yatangamuzya nanti cimwi.

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!

Milimo 1:4

Lino yakongine pamwi, wayapile ilamulo lii ati, “Mutakafume mu Yelusalemu, lelo mulolele uwila uno Tata wamulavile, uno nani namunenanga.

Yoane 20:9

Kufika na pa kasita kwene kaka ala yatali yataile vino malembelo yalanda ukuti alinzile azyukuke kufuma ku afwe.)

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.