Milimo 16:9 - Amazwi Yakwe Leza 2013

⁹ Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 16:9 交叉參考

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

Milimo 20:1

Walanga mpanzela yasila, Paulo aama alondezi ayakomelezya, nga ayapakasya, apita aya ku Makedoniya.

1 Tesalonika 4:10

Endi, mwemo mwati mulanga mpiti kutemwa ku ina itu yonsi amu Makedoniya. Caleka, ina itu, tukumupapata kuti mucite cii nu kuluta.

2 Kolinto 12:7

Lelo pakuti ntaitutumula pamulandu wa vintu vingi vyakuzunguka vino vyaumbwilwe nu Mwene kunondi, Leza wampile ca kuntota ca munga mu mwili wane icili wa nkombe yakwe Satana ino wazumilizye kwiza nguma.

2 Kolinto 11:9

Pa nsita ino nali pamwi namwe nemo ntamuletile masakamiko akungazwa lino nalondanga mpiya. Aina itu yano afumile ku Makedoniya yaletanga vyonsi vino nulilwanga. Ndi vino cali mpiti nga nu mu manda akwiza, nemo ntalatala nje wa cisendo kuno muli!

2 Kolinto 9:2

Manyile vino mukulondesya kupeela. Acino nemo namaitumika ku alondezi ya Mwene amu Makedoniya kuti mwe antu amu Akaya mwaiteinye kufuma mwacizo. Ndakai kulondesya kwinu kwa kupeela kwalenga kuti nao kwene yalondesye kupeela.

2 Kolinto 8:1

Inane tukulonda kuti mumanye vino Leza walanga cikuku ku mauvi amu Makedoniya.

2 Kolinto 7:5

Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

Milimo 20:3

akuno aikala myezi itatu. Wateyanyanga ulendo wakuya ku Silya lino wamanyile ukuti Ayuda yati yumana kapi kuti yamukome. Caleka aelenganya kupita nzila yuze yakuya ku Makedoniya.

Milimo 10:30

Konelio aasuka ati, “Cali pacisila ca manda yani lino napepanga mu ng'anda yane manguzi, ni nsita yakwe 3 koloko. Umukupumikizya umuntu uwazwite insalu ziyengese aimilila nkolelo yane

Milimo 10:3

Uwanda umwi manguzi, cali manye nsita yakwe 3 koloko lino Konelio waweni cilolwa, muno waweni mungeli wakwe Leza akwiza kunoli, amunena ati, “Konelio!”

Milimo 9:38

Ku Yopa kutaali ukutali kufuma ku Lida, nga alino alondezi ali mu Yopa yuvwa ukuti Petulo ali mu Lida, yatuma aonsi yaili na mazwi yakuti, “Twapapata, pitisya iza kuno.”

Milimo 16:10

Zuwazuwa lino Paulo walola cilolwa, tuiteyanya kuya ku Makedoniya, pano twiluka ukuti Leza watwama kuya kosola Ilandwe Lisuma ku antu ya kuku.

Milimo 16:12

Kufuma kuku twapisile pa mulundu tuya ku Filipi, musumba wankolelo mu mpanga ya Makedoniya, nayo kwene yali mpanga ya ulasi wa Ciloma. Twatenzimo manda aingi.

Milimo 19:22

Alino atuma yakazwa yakwe yaili, Timoti na Elasita ku Makedoniya, wene asyala mu muputule wa mpanga ya Asiya pa nsita imwi.

Milimo 19:29

Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Milimo 27:2

Tupatama mu wato uwaku Adilamitiamu uwali nu kupita mu misumba yamu nkumba yakwe yemba, mu muputule wa mpanga ya Asiya, nga tukatuka tupita. Twali na Alisitako umwina Makedoniya, uwafumile ku Tesalonika.

Malango 30:13

Nupya lisi ku mbalama yuze yakwe yemba cakuti mungalanda muti, ‘Uzye aweni amalamba yemba kuti akatuletele, kuti tulyuvwe nu kuliyela?’