4 Lino yapitanga mu misumba, yanenanga ataile masunde yano cilye ca atumwa na ikolo amu Yelusalemu yapingwile, yayakonkomezya ukuyasunga.
Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.
Alino atumwa na ikolo yakongana pamwi kuti yelenganye pamulandu uu.
Vii, avino yacisile nga yapela Saulo na Banaba musangulo uwo kuti yatwale.
Lino yafika mu Yelusalemu, iuvi, atumwa na ikolo yayazengela. Paulo na Banaba yayalandila vyonsi vino Leza wacisile munoyali.
