Milimo 16:12 - Amazwi Yakwe Leza 2013

¹² Kufuma kuku twapisile pa mulundu tuya ku Filipi, musumba wankolelo mu mpanga ya Makedoniya, nayo kwene yali mpanga ya ulasi wa Ciloma. Twatenzimo manda aingi.

Milimo 16:12 交叉參考

1 Tesalonika 2:2

Mumanyile vino antu yatucuzizye nu kututuka mu musumba wa Filipi lino tutali twize kuno muli ku Tesalonika. Lelo Leza watukomelizye cuze kuti tukosole Ilandwe Lisuma kunomuli lya pali aliwe, nanti angala antu yatulwisizye cuze.

Filipi 1:1

Kalata kufuma kuli ne Paulo na Timoti, swe aomvi yakwe Klistu Yesu. Twalembela antu yakwe Leza nupya yakwe Klistu, yano ali ku Filipi nga ni ntunguluzi pamwi na Yadikoni onsi amu mauvi inu.

Milimo 20:6

Twapisile mu wato kufuma mu Filipi pacisila ca kuzevya. Cimulo ca mukate usi na citutumusi, na pacisila ca manda yasano twakomenkine mu Tuloa, amuno twikala mulungu onga.

Milimo 16:21

Yakusambilizya intambi izitaya mu masunde itu. Swemo sweswe ikazi amu Loma, nupya tutangazumilizya intambi zyao nanti ukuzicita.”

Milimo 16:9

Mu usiku kwene ulya Paulo waweni cilolwa muno waweni umwina Makedoniya ala aimi akumupapatila ati, “Lamba wize ku Makedoniya utwazwe.”

Milimo 16:10

Zuwazuwa lino Paulo walola cilolwa, tuiteyanya kuya ku Makedoniya, pano twiluka ukuti Leza watwama kuya kosola Ilandwe Lisuma ku antu ya kuku.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 19:21

Pacisila cakwe vii, Paulo apanga kuti apite mu mpanga ya Makedoniya na Akaya nga aye ku Yelusalemu. Avwanga ati, “Ndi nafika kweneko, alino indi nu kuya ku Loma.”

Milimo 19:29

Kuya cimvulunganya mu musumba onsi. Iumba lilema Gayusi na Alisitako, aina Makedoniya apitanga na Paulo, yayasenda ku ng'anda ya kukonganilamo nanti kucinilamo.

Milimo 20:1

Walanga mpanzela yasila, Paulo aama alondezi ayakomelezya, nga ayapakasya, apita aya ku Makedoniya.

Milimo 20:3

akuno aikala myezi itatu. Wateyanyanga ulendo wakuya ku Silya lino wamanyile ukuti Ayuda yati yumana kapi kuti yamukome. Caleka aelenganya kupita nzila yuze yakuya ku Makedoniya.

Milimo 27:2

Tupatama mu wato uwaku Adilamitiamu uwali nu kupita mu misumba yamu nkumba yakwe yemba, mu muputule wa mpanga ya Asiya, nga tukatuka tupita. Twali na Alisitako umwina Makedoniya, uwafumile ku Tesalonika.

Loma 15:26

Pano mauvi aku Makedoniya nu ku Akaya mukuitemelwa yasola ukusangula uwila wakwazwa antu yakwe Leza, apina amu Yelusalemu.

Filipi 1:5

pamulandu wa musango uno mwangazwilizye mu mulimo wakusalanganya Ilandwe Lisuma kufuma pa wanda wakutandika kutaila kufika na ndakai.