Milimo 13:6 - Amazwi Yakwe Leza 2013

⁶ Alino yapita yasalala cilila yafika ku musumba wa Pafosi, yazana umuntu umwi uwa malele, wino izina lyakwe a Ba-Yesu, u Muyuda wino waitakanga vino akasema.

Milimo 13:6 交叉參考

Mateo 7:15

“Cenjelini na yakasema yaufi, yano akaiza kunomuli mu ufuke kwati umwana wa mfwele, lelo mukasi kao yakoline wa mimbulu ikali.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

2 Kolinto 11:13

Antu yao yasi atumwa acumi, yene atumwa ya ufi, yano akatumpoka pamulandu wa mulimo wao nupya yakaomvya usomvi kuti yaloleke wa atumwa yakwe Klistu.

Mako 10:46

Yesu wizile ku Yeliko pamwi na alondezi. Lyene lino wafumanga ku Yeliko na alondezi yakwe ni iumba likulu, impafu kalenga, zina lyakwe a Batimeo mwana Timeo, watenzi pa mbali ya museo.

Mateo 24:24

Pano antu aufi yalaloleka, yano alailanda ukuti yene ali Klistu kwene, nupya ali yakasema. Yalacita vilangililo vikulu ni vizungusyo kuti yaponzye na asololwe kwene ndi cingaya.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Zakaliya 13:3

Alino umwi ndi waca watwalilila ukusema, isi na nyina, yayo amuvyalilila yalamunena yati, ‘Wemo ukulonda imfwa, pasi pano ukuitunga ukulanda amazwi yakwe Yawe, lino fwandi ivyaufi sile vino ukulanda.’ Alino ndi waswilizyapo ukusema, lyene isi na nyina amuvyalilila, ali yano yalamutota icanzo mpaka yamupulinkanye, pamulandu wakusema ivyaufi.”

Kufuma 22:18

“Mwanaci wensi wino akacita vyamalele alinzile akomwe.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

2 Timoti 3:8

Wakwe vino Yanesi na Yambulesi yalwisyanga Mose, vivyo kwene antu yaa yakalwisya cumi. Antu yaa a myenzo yaukakasi nu utailo wao usi uwa mpomvu.

1 Milandu 10:13

Saulo wafwile pamulandu wakuti atali uwacumi kuli Yawe. Wene atayelanga amasunde yakwe Yawe. Walondanga utunguluzi ukupitila mu kusapola ku mipasi ya afwe

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

Aina Levi 20:6

“Muntu ali wensi ndi waya ku antu yano yakavwanga ni mipasi ya antu afwe, indafutatila umuntu wiyo nu kumusukula mu antu yane.

Milimo 13:8

Lelo Elima, (Elima kuli kuti uwa malele), wene ayalesya ala akwezya ukucicintila mulasi kuti atataila Ilandwe Lisuma.

Milimo 13:13

Paulo pamwi na auze yapatama mu wato yafuma ku Pafosi, yaya ku Pelige, mu Pamfuliya. Lelo Yoane Mako ayasya kuku, aswilila ku Yelusalemu.