Milimo 12:7 - Amazwi Yakwe Leza 2013

⁷ Mu kupumikizya mungeli wa Mwene aiiza aimilila, nu luswepo luyengesa mu muputule wa ng'anda yaminyololo. Mungeli atensya Petulo pa ciye, amuzyula nga amunena ati, “Pitisya! Katuka!” Papo kwene minyololo ilukuta ku makasa yakwe Petulo.

Milimo 12:7 交叉參考

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Milimo 16:26

Mu kupumikizya kwali cilundumusi cikulu, cino catensizye nu mufula wa ng'anda yaminyololo. Lilyo kwene imilyango yonsi iyulika, ni minyololo ipona ku anyepwe onsi.

Masamu 146:7

Akapeela acule insambu zyao, ni cakulya uku yanzana.

Masamu 107:14

Nga nawe wayakulwile uku ucuzi wao. Wayafumizye umu mfinzi nu mu cinzingwa ca mfwa. Nupya waputwile ni minyololo yao.

Masamu 34:7

Umungeli wakwe Yawe akacingilila yayo akamoopa, nupya akayapususya.

Milimo 10:30

Konelio aasuka ati, “Cali pacisila ca manda yani lino napepanga mu ng'anda yane manguzi, ni nsita yakwe 3 koloko. Umukupumikizya umuntu uwazwite insalu ziyengese aimilila nkolelo yane

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Luka 24:4

Lino yacili yakuzunguka cuze pali cii, mukupumikizya, antu yaili aonsi iimilila pa mbali yao ala yazwite vizwalo viyengese cuze.

Luka 2:9

Lilyo kwene mungeli aloleka kunoyali, nu lulumbi lwa Mwene luyengesa panoyali, nao yuvwa intete cuze.

Mika 7:9

Twifya kuli Yawe, acino lyene tulinzile kuzizimizya ukali wakwe, mpaka ace atuvwangile nu kuzifya umulandu witu. Wene alatwingizya mu luswepo, alino tulalola kuno akututuula.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

1 Yamwene 19:7

Umungeli wakwe Yawe ali pakumunena nupya ati, “We katuka ulye nupya, pano limwi ungawa ulwezwe uposiwe nu kupita.”

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Milimo 9:3

Mu nzila lino Saulo wapalama pipi na Damasiko, mukupumikizya uluswepo kufuma mwiyulu luyengesa kulizya panoli.

Habakuku 3:4

Wene akaiza kunotuli nu kumyansya kwa nkuwa. Uluswepo lwakwe lukayengesa ilufuma mu makasa yakwe, kuko ukwazula amaka yakwe afisame.

Ezekelo 43:2

Kuku kwene indola ucindami wakwe Leza wa ina Izlaeli ala ukufuma ku ufumondaka. Izwi lyakwe lyuvwikike wa cipoma, nga ni mpanga yayengise ku luswepo lwa ucindami wakwe.

Ezaya 60:1

Katuka yengesa, pano uluswepo lwako lwatilutandika, nga nu ucindami wakwe Yawe watiucatilizya pali wewe.

Masamu 116:16

Yawe, ala nene muzya wako, nemo nkakuombela vivi kwene vino mayo nawe wacitanga. Wemo watunsapula umunyololo, watunkulula.

1 Yamwene 19:5

Fwandi ali vino walambalile mwisika lya cimuti. Papo kwene ali pano umungeli wakwe Yawe wamukumya nga amunena ati, “Katuka ulye icakulya.”

Umbwilo 18:1

Pacisila lyene ndola mungeli namuze akwika kufuma mwiyulu. Wene akweti maka akulu cuze, nga nu kuyengesa kwakwe ukwa lulumbi kukozya mu nsi yonsi.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Milimo 12:6

Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.

Habakuku 3:11

Ilanzi nu mwezi ivimilila umwiyulu, apakulola ukuyengesa kwa nceto zyako, nu kukaoka kwa kuyengesa kwi sumo lyako.

Ezaya 37:30

Alino lyene Ezaya anena umwene Hezekiya ati, “Ivyakumanyila kweneko pa vintu vino vilaya kweneko aivi: umu mwaka kwene uu na uno ulalondelapo, mwemo mumalyanga sile ingano cimbuka. Lyene mu mwaka uno ulalondela penepo, ali lino mulatovya ingano nu kuzisinza. Mulalemamo na matingi nu kulya iviseekwa vya mwenemo.

2 Samueli 22:29

We Yawe wewe luswepo lwane. Wemo ukamfumizya imfinzi.

Masamu 68:6

Aliwe akalanga umwenyi apakwikala. Akasapula anyepwe nu kuyatwala ukwa ku yikalila aeneco. Lelo yacisanguka yene yamaikalanga umu mpanga iyumalale.

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Mateo 2:13

Lino antu yamano yaswilila kumwao, mungeli wa Mwene aloleka kuli Yosefu mu ciloto amunena ati, “Katuka, senda mwana na nyina utukila ku Eguputo. Kikale kweneko kufika lino ndakunena, pano Helodi amalondelezya ukuli mwana wiyo kuti amukome.”

Milimo 12:8

Lyene mungeli amunena ati, “Zwala, nyepa musipi ni ndyatu zyako, undondele.”