Milimo 12:5 - Amazwi Yakwe Leza 2013

⁵ Caleka Petulo asungwa mu ng'anda yaminyololo, lelo iuvi lyamupepelanga kuli Leza nu mute.

Milimo 12:5 交叉參考

1 Kolinto 12:26

Ndi cilundwa conga ca mwili cacula, ni vilundwa vyuze navyo vikaculila pamwi naco. Ndi cilundwa conga ca mwili catasiwa, ni vilundwa vyuze navyo vikakumako ku luzango lwakweco.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

1 Tesalonika 5:17

pepini nsita zyonsi,

2 Kolinto 1:11

Mwemo mwatwika mu mapepo. Leza alaasuka mapepo inu aingi yano mukutupepela, nupya wene alatupolelela. Lyene na antu aingi yalataizya Leza pa kutupolelela.

Mateo 18:19

“Nupya namunena vino yaili munomuli ndi yazumilizyanya muno nsi cimwi nu kulenga mwi pepo, cino yalenga cilapelwa kunoyali na Tata uwa mwiyulu.

Ayebulai 13:3

Mwaiusya anyepwe, nupya mwayasakamala kwati mwanyepwa nao mu ng'anda yaminyololo. Mwaiusya yao akucula nupya mwayasakamala kwati namwe kwene mukucula ndi vino yakucula.

Milimo 12:12

Lino wiluka vintu vii, aya ku ng'anda yakwe Maliya, nyina wakwe Yoane akaamwa ukuti Mako. Antu aingi yakongine kuku ala yakupepa.

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

Milimo 12:4

Lino yalema Petulo, yamuyalila mu ng'anda yaminyololo yaleka kuti mpuka zini zya asilika yani yani zyamulinda. Helodi walondanga kuti akize akamulete ku antu lino cimulo casila.

Milimo 12:6

Usiku lino utali uce pa wanda uno Helodi walondanga kumuleta kuti amuvunuke pa manso ya antu, Petulo waizi pakasi kakwe yakalinda yaili. Wanyefilwe ni minyololo iili, kwali na yakalinda pa mpongolo ya ng'anda yaminyololo.