Milimo 12:11 - Amazwi Yakwe Leza 2013

¹¹ Lyene lino Petulo walooka icamucitikila, avwanga ati, “Ndakai namanya vino icacumi! Mwene wali watuma mungeli wakwe ukwiza mpususya kufuma ku maka yakwe Helodi nu ku vintu vino Ayuda yapanzile kucita kunondi.”

Milimo 12:11 交叉參考

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

Masamu 34:7

Umungeli wakwe Yawe akacingilila yayo akamoopa, nupya akayapususya.

Milimo 5:19

Lelo usiku kwene ulya mungeli wa Mwene ayula visasa vya ng'anda yaminyololo, nu kufumya atumwa, ayanena ati,

Luka 15:17

Lyene lino amano yamuzana aelenganya mu mano yakwe ati, ‘Aomvi yakwe tata yonsi yakalya yakwikuta na vimwi vikasyala, lelo nemo kuno namafwa kunzala!

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Milimo 12:7

Mu kupumikizya mungeli wa Mwene aiiza aimilila, nu luswepo luyengesa mu muputule wa ng'anda yaminyololo. Mungeli atensya Petulo pa ciye, amuzyula nga amunena ati, “Pitisya! Katuka!” Papo kwene minyololo ilukuta ku makasa yakwe Petulo.

Danieli 3:25

Lyene umwene avwanga ati, “Lolini! Uzye pacani cino nkulola antu yani yakulyatokela mu moto, ala yatanyefilwe, nga na wakwe cini nawe akuloleka wa mungeli?”

Masamu 109:31

Yawe akavwangila umupina, nu kumupususya kuli yao akamupingwila ukufwa.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

2 Samueli 22:1

Lino Yawe watuula Davidi kuli Saulo na anisi yakwe yauze, Davidi aimbila Yawe ulwimbo luu:

Masamu 41:2

Yawe akamucingilila nu kumusunga, akamulenga aye nu luzango muno nsi, asimusunkilizya nu mu minwe ya anisi yakwe foo.

Masamu 34:22

Yawe aliwe amatulanyanga aomvi yakwe. Icacumi antu akazina kunoli yalapusuka.

Yobo 31:31

Antu yane yakavwanga lyonsi yati, ‘Kutaya umuntu nanti wenga wino Yobo asiimula.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Utandiko 26:9

Lyene Abimeleki uca atuma akuya ama Isaki kwisano amunena ati, “Walola Labeka alinzile aye umuci wako. Pacani watile akaci wako?” Isaki aasuka ati, “Nelenginye vino yangankoma ndi nalanda nati umuci wane.”

Utandiko 18:13

Lyene Yawe auzya Abulaamu ati, “Uzye pacani cino Sala waseka nu kuti, ‘Uzye umucumi ukuti ningavyala umwana mu ukoloci wane?’

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Milimo 25:9

Fesito walondanga ukuzanzya Ayuda. Caleka auzya Paulo ati, “Uzye ungatemwa kuti upite ku Yelusalemu akuno inkakupingwile milandu ii yonsi?”

Masamu 33:19

Wene akayatuula ku mfwa, nu kuyasunga ningo umu nsita ya cipowe.