Milimo 1:16 - Amazwi Yakwe Leza 2013

¹⁶ “Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe.

Milimo 1:16 交叉參考

Masamu 41:9

Na yacuza yane kwene, apa mwenzo yano nataila kwene yano twalyanga nayo nu kumwa nayo, yati yansangukila.

Yoane 13:18

“Ntakulanda pamulandu wakwe mwemwe mwensi. Manyile yao yano nasolola. Lelo ilembelo lilinzile lifikiliziwe, lino likati, ‘Umuntu wino akulya pamwi nani watankatukila.’

Milimo 1:20

Petulo avwanga ati, “Pano mu lupapulo lwa Masamu calembwa cati, ‘Lekini ng'anda yakwe isyale citotela. Muntu umwi atikalamo.’ Nupya calembwa cati, ‘Lekini umuntu muze apyanilepo pa mulimo wakwe.’

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Mateo 26:47

Walanga lino Yesu acili vwanga, Yuda, wenga uwamu alondezi ikumi na yaili, afika. Wali ni iumba likulu ilyasenzile mpanga ni zya ntuwa, ala yatumilwe na yasimapepo akalamba na aikolo amu Ayuda.

1 Petulo 1:11

Yalondelizye kuti yamanye nsita nga nu musango uno cii cilacitikilamo. Mupasi wakwe Klistu, uno wali munoyali, uwasowile macuzi yano Klistu wali nu kucula nga nu lulumbi ululalondelela.

Mako 14:43

Walanga lino Yesu acili vwanga, Yuda, wenga uwamu alondezi ikumi na yaili, afika. Wali ni umba ilyasenzile mpanga ni zya ntuwa, ala yatumilwe na yasimapepo akalamba, na yakasambilizya ya Masunde, na aikolo amu Ayuda.

2 Petulo 2:21

Cange cizipe cuze ndi cakuti yatamanyile nzila ya wololoke, kuluta yafutatile isunde lyamuzilo lino Leza wayapile.

Milimo 23:6

Lino Paulo walola ukuti iumba limwi lyali ilya Asaduki ni lyuze ilya Afaliseo. Alaizya umwi Tengo ati, “Mwe inane! Nene Mufaliseo, mwana wa Afaliseo. Inkupingulwa pano nkupaalila ukuti afwe yalazyukuka yaye aumi.”

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Milimo 22:1

“Inane na yatata, uvwini kunondi lino inkuivwangila kunomuli!”

Milimo 15:7

Pacisila cakulanzyanya pa nsita ntali Petulo akatuka avwanga ati, “Inane, mwamanya vino kufuma mpiti Leza wansozile kufuma munomuli kuti nkakosole Ilandwe Lisuma ku Akulukuwa, pakuti yanguvwa nu kutaila.

Milimo 13:38

Caleka, mwe inane mwensi, mulinzile kumanya vino kupitila sile muli Yesu Klistu amuno ilandwe pamulandu wa kwelelwa maifyo likakosolwa kunomuli.

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Milimo 7:2

Sitivini aasuka ati, “Inane na yatata, uvwini kunondi! Leza wa lulumbi walolike kuli Abulaamu cikolwe citu, lino wikalanga ku Mesopotamya, ala atali aye ku kwikala ku Halani,

Milimo 2:37

Lino antu yuvwa cii, yasakamala cuze, nga yavwanga kuli Petulo na atumwa yauze, yati, “Mwe ina itu uzye tumacita uli?”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Yoane 19:36

Cii cacitike kuti cifikiliziwe cino calembwa mu malembelo cikati, “Kusi ifupa lyakwe nanti lyonga ililavunwa.”

Yoane 10:35

Twamanya ukuti vino malembelo yalanda vyene ivya cumi manda pe. Antu yaya yamilwe na Leza ukuti a tuleza, antu yano Ilandwe lyakwe Leza lyapilwe kunoyali.

Luka 22:47

Walanga lino Yesu acili vwanga, iumba ilyatungulwilwe na Yuda, wenga uwamu alondezi ikumi na yaili, liifika. Lyene Yuda aya kuli Yesu kuti amutonsole.

Mako 12:36

Mupasi Wamuzilo walenzile kuti Davidi avwange ati, ‘Mwene wanenyile Mwene wane ati, Ikala kwi kasa lilunji lyane kufika lino ndakucimvizya anisi yako.’

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Milimo 28:17

Pacisila ca manda yatatu, Paulo aama intunguluzi zya Ayuda. Lino zyakongana, azinena ati, “Mwe inane! Nemo indi kuno wa munyepwe kufuma ku Yelusalemu. Nanti angala ntasuzile mutundu witu nanti ntambi zino twapokelile kufuma ku vikolwe vitu, napiilwe mu makasa ya ina Loma.

Milimo 15:13

Lino yamala kulanda, Yakobo aimilila, avwanga ati, “Uvwini kunondi, mwe inane!

Mateo 26:14

Lyene Yuda Iskalyoti, wenga uwamu alondezi ikumi na yaili, aya kuli yasimapepo akalamba,

Yoane 17:12

Lino nali nao, nayasunganga ningo kupitila mu maka yako yano wampile. Nayacingililanga, nga kutali wenga uwalowa, suka sile umuntu wino uwasolwilwe kulowa, kuti cino calembwa cifikiliziwe.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

2 Yamwene 15:12

Fwandi ali vino ulayo wakwe Yawe wafikiliziwe, uno wanenyile umwene Yeu ati, “Amu mupanda wako, ukwizafika uku mukulo uwalenga cini, ali yano yalalasikwa pa vilimba vya wene umu Izlaeli.”