Mika 7:7 - Amazwi Yakwe Leza 2013

⁷ Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Mika 7:7 交叉參考

Masamu 37:7

Utekele sana nu kutaila muli Yawe, utasokela wiyo uwaya nu longo, nanti wiyo akacita ivya ucenjezi.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 25:9

Mu wanda ulya yene yalavwanga yati, “Cumi kwene wi ali Leza witu. Twataile ukuti aliwe alatukulula! Wene ali Yawe nupya tukataila munoli. Si lekini tuzange nu kusansamuka pano watatupususya.”

Masamu 25:5

Untungulule nu kunsambilizya ukwikala mu vyacumi vyako, pano wewe uli Leza wane, wino akantuula. Wewe nataila amanda yonsi.

Masamu 130:5

Nkalolela uwazwilizyo wakwe Yawe, nkalolelela nu mwenzo wane onsi, nupya nkataila amazwi yakwe.

Masamu 109:4

Yatiyankatukila nanti angala nemo nayatemwa, nukuyapepela nemo nkayapepela kweneko.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Masamu 65:2

Pano wemo ukauvwa amapepo, antu yonsi yamaizanga kuli wewe.

Utandiko 49:18

“We Yawe, nkalolela ufyusi wako.

Masamu 38:15

Nataila munuli we Yawe, acino nawe Mwene Leza wane umanjasuka!

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Ezaya 17:7

Mu wanda ulya antu yalutukila kuli kaumba wao, nu kucevya amanso kuli Leza Wamuzilo uwa ina Izlaeli.

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Yowelo 1:19

Nkulilila kunuli we Yawe, pano umoto wationona umulemvwe, na makala ya moto yalovya imitengo yonsi.

Habakuku 2:1

Namayanga nga kalinda wa mpongolo akwimilila apapela yi linga. Indi nu kulolela vino Yawe alangasuka alino ndamanya vino wene alangasuka pakuilizyanya kwane.

Mpendwa 5:28

Lelo kwene umwanaci wiyo ndi cakuti atacisile uzelele, ale kusi iciipe icingamucitikila nga nu kuvyala angavyala ukunkolelo.

Masamu 85:5

Uzye icumi umatusokelanga lyonsi kwene? Uzye umatwalililanga sile ukutusokela ukwaula ukuta?

Nyimbo zya ndosya 3:24

Yawe ali cuma sile cino nakwata. Acino nemo namapaalilanga munoli.

Habakuku 2:3

Uumbwilo uu uli nu kufikiliziwa apa nsita yakweo ilingine, ino ili nu kufika ukwaula kuzimba. Nupya ulacitika ukwaula kutwisika. Lelo ndi mwalola ukuti wene wazimba, nemo nkuti muulolele mutazukuwa. Wene ulafikiliziwa ukwaula kucelwa nanti ukulezyalezya.