Mika 7:17 - Amazwi Yakwe Leza 2013

¹⁷ Yalaakulika mu lukungu wa nzoka, wa viumbwa vino vikasela pansi. Yalafuma mu misumba yao yamalinga ala yakuzakaza uku ntete. Yalawela ni coopo kunuli we Yawe Leza witu, nu kuvwa intete pali wewe.

Mika 7:17 交叉參考

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Masamu 72:9

Antu aikala umu lwanga yafukankila kunoli, anisi yakwe nayo yakunkuluka umu lukungu.

Masamu 18:45

Awe lyene ainamasi yatiyatovoka, yakuzakaza sile apa kufuma umu misumba yao ya malinga.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Nyimbo zya ndosya 3:29

Tutailizyanya foo pano limwi ukwinamika umutwe pansi kungaleta utailo.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Yelemiya 16:16

Yawe walanda wati, “Ndatuma avuvi ya nswi nyanya, yano yalayalema wa nswi. Ndatuma na alumba avule, nga nayo yalayalunga mu myamba yonsi nu mu macele.

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Ezaya 64:2

Yene ingatengana wa manzi yano yakutopota pa moto. Ndanga ulange anisi yako vino wemo waya na maka. Leka antu amitundu yonsi yazakaze kunuli!

Ezaya 60:14

Ana ya antu yano yakakucuzya, yaliza yakufukamila apa kukucindika. Yonsi sile yano yakusuuzile mpiti yaliza yafukankila kunuli. Yalakwama nu kuti we musumba wakwe Yawe nupya ala yakuti ‘Zioni umusumba wakwe Leza Wamuzilo wakwe Izlaeli.’

Ezaya 59:19

Alino lyene yamaoopa izina lyakwe uku uwondaka nu ucindami wakwe uku ufumondaka. Aliza wa luzi luno lwapongwela, luno umupu wakwe Yawe ukusuunka.

Ezaya 25:3

Ali cino fwandi umutundu wa maka umakulumbanyanga. Umusumba wa mitundu ikalipe umakoopanga.

Masamu 9:20

We Yawe, sileka intete ziyaleme, uleke ainamasi yamanye ukuti yene antu asilesile.

1 Samueli 14:11

Acino yoili kwene iyasokoloka nu kulolekela ku nkambi ya ina Filisti. Aina Filisti nayo yavwanga iyati, “Silolini mwe! Ayebulai yamwi ayaya yakufuma umu viwina muno yaliyafisime.”

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

2 Samueli 22:46

Yene yakatovoka. Yene yakaiza yala yakuzakaza ku ntete ukufuma ku misumba yao iyamalinga.

2 Milandu 17:10

Yawe walenzile incende yonsi iyazigulwike impanga ya wene wakwe Yeosafati iye iyakoofya kuli wensi akulonda ukulwisya Yeosafati.

Masamu 72:11

Yamwene yonsi sile yalukufukankila kunoli, na antu yonsi amu mitundu yalukumuombela!

Ezaya 7:19

Yaliza yafume umu mikonko, nga nu mu macele. Yaliza yatuwilizye umu vipupa vyonsi ivya myunga nu kufupilizya monsi umwa kucemela iviteekwa.