Mika 7:12 - Amazwi Yakwe Leza 2013

¹² Mu wanda ulya antu yako yalawela kunuli ukufuma ku Asilya ukufika nu ku Eguputo kwene, ukufuma ku Eguputo ukufika nu ku Luzi lwa Yufulate kwene, nu kufuma kuli yemba wenga ukufika nu ku muze kwene, ukufuma ku mwamba onga ukufika nu ku uze kwene.

Mika 7:12 交叉參考

Oseya 11:11

Yalawela ale yakuzakaza ungati ivyunyi, ukufuma ku Eguputo, Yalawela ungati ivipeele ukufuma ku Asilya. Lyene ndayatwala nupya kumwao. Kuu kuli kulanda kwakwe Yawe.”

Ezaya 11:16

Kulaya umuseo ukulu ukufuma mu Asilya, uwakupita antu yakwe, aina Izlaeli asile, apuswikemo ndi vino cali uku vikolwe vyao, lilyo lino yafumile mu Eguputo.

Ezekelo 37:21

Yanene ukuti ne Yawe ndafumya Aina Izlaeli umu mitundu ya yantu yauze muno yaya nu kuyakolonganika pamwi, nga alino nkayaswilizye umu mpanga yao.

Ezekelo 29:21

Pa wanda uno ndawezezya aina Izlaeli amaka, nawe ndakupeela insambu yakwasamula umulomo wako kunoyali. Alino yalamanya ukuti nene indi Yawe.”

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 23:3

Nemo ndakolonganika nemweneco imfwele zino zyasyala penepo. Indazifumya umu mpanga zyonsi muno zyasalanganile, ndaziwezezya uku macemelo yakwezyo, nga alino lyene zilasandana nu kuvula.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Ezaya 49:12

Yamwi yalafuma ukutali, Yamwi ku katutu, yamwi ku uwondaka, yamwi yalafuma ku kayeya ku Aswani.”

Ezaya 43:6

Nemo ndanena antu aku katutu inti, ‘Yatini.’ Ndapeela ilamulo ku antu aku kayeya inti, ‘Mutayalesya ukuya kweneko.’ Wezini ana yane aonsi ukufuma ku mpanga zya kutali, nga na ana yane anaci yawezini ukufuma ku mpela ya nsi.

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Yelemiya 46:27

Lelo wemo we muomvi wane Yakobo, utoopa, utazakaza, we Izlaeli. Pano apanondi namakupususya uku mpanga zya kutali, alino napakufumya ana yako mu mpanga ya uzya wao. Yakobo alikala umu mutende nga kutalaya uwakumucuzya nupya.