Mika 6:8 - Amazwi Yakwe Leza 2013

⁸ Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mika 6:8 交叉參考

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Luka 6:36

Muye na mizu wakwe vino So uwa mwiyulu waya na mizu.

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Amosi 5:24

Lelo lekini ulungami winu wakonkoloka wa luzi, nu ololoke winu wa kaluzi kano kasipwa.

Mateo 5:7

Alongo antu yano yakaya na mizu ku auze. Pano Leza nawe alaya na mizu kunoyali.

Efeso 4:32

Mu cifulo cakwe vii, muye nu luse na mizu kuli cila muntu munomuli. Mwaelelana ndi vino Leza wamwelela kupitila muli Klistu.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Kasambilizya 12:13

Fwandi vyonsi vyativyuvwika. Izwi lyakumalilila umulandu aili: uwaoopa Leza nu kuyela amasunde yakwe, pano acino antunze yaumbilwe.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Zefaniya 2:3

Zenzukini nu kwiza kuli Yawe, mwensi mwe ikazi ya mpanga, yano yakayela amalamulo yakwe. Citini ivyaololoke nu kuicefya pa manso yakwe Yawe. Limwi muluutuka ukuvunukwa apa wanda uno Yawe alasokolola ukali wakwe.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Masamu 37:26

Insita ili yonsi akakumbusuka, nu kukongwesya antu yauze, ana yakwe yalaya apolelelwe.

Neemiya 9:13

Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Masamu 112:4

Uluswepo lukakozezya umufite uku antu asuma, kuli yao a luse, ankumbu nupya alungami.

Nyimbo zya ndosya 3:26

Fwandi cazipa wakwe cimwi ukuteeka imyenzo lino tukulolela, lilyo lino tukulolela kuti Yawe aliwe atutuule.

Masamu 112:9

Waya ni nkumbu uku alanda, nga nu luse lwakwe nalo ulwa muyayaya. Alakwatisya amaka nu kucindikwa alacindikwa.

Masamu 73:28

Lelo nemo natemwisya ukukupalamila, we Leza! Akuli wewe we Yawe akuno nemo nazina, apakuti inalumbilizya vyonsi vino wemo ukacita.

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Yakobo 2:20

Ciwelewele we! Uzye ukulonda kuti yakulange vino utailo uno usyatungulula ku kucita milimo isuma ala wene uwasilesile?

Loma 7:16

Lino nacita cino ntali nkasi kucita, ala cii cikulanga kuti nkazumilizya vino Masunde asuma.

2 Milandu 32:26

Lyene Hezekiya aicefya nu kuzenzuka ku cilumba cakwe, ndi vino na antu aikalanga mu Yelusalemu yacisile. Icaleka ukali wakwe Yawe utayaponile mu manda ya umi wakwe Hezekiya.

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Utandiko 5:22

Pacisila cakuvyalwa kwakwe Metusela, Enoki watenzi mu utandano na Leza pa myaka nayuze 300, nga umuci amuvyalila ana nayauze aonsi na anaci.

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

1 Kolinto 7:16

Uzye lyene wamanya uli, we muci we mwina Klistu, ukuti utangatuula iya wako? Nanti we iya we mwina Klistu, uzye ungasininkizya uli ukuti utangatuula muci wako?

2 Milandu 30:11

Nga lelo kwaliko yamwi amu mutundu wakwe Asyeli, na wakwe Manase na wakwe Zebuluni, yano yalondesyanga ukuya uku Yelusalemu.

Luka 12:14

Yesu nawe aasuka ati, “Muntu we, aweni wampeela maka akupingula nanti kwankanya ivyuma panomuli mweili?”

Malango 30:15

“Lolini! Ilelo namwikila umi nu longo, imfwa nu uwononesi.

Ezaya 56:1

Yawe wavwanga wati, “Nemo nasya imupususye. Mwasya mulole vino ne mulungami nkacimvya. Fwandi mwemo mwacita sile ivyaololoke nga ni visuma.

Ezekelo 33:14

Lelo nemo nga cakuti na ceula umwipe ukuti amafwa, nga nawe wata ukwifya, watandika nu kucita ivya ulungi ni vyaololoke,

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

Zakaliya 7:9

“Yawe Wamaka yonsi wavwanga wati, ‘Putulini imilandu nu ulungami wa cumi. Nupya cila wenga aye nu luse na mizu ku muntu muze.

Malango 27:10

Acino mwayela Yawe Leza winu nu kulondela amalamulo yakwe yano nkumupeela ilelo.”

Yoswa 24:14

Lyene Yoswa atwalilila kuvwanga ati, “Fwandi lyene mulinzile koopa Yawe nu kumutumikila umucumi nu mukutailwa. Sumbini tuleza tuno ivikolwe vinu vyapepanga ku mbalama ya Luzi lwa Yodani nu mu Eguputo, nga mwatumikila Yawe.

Masamu 101:1

Namaimbila ulwimbo lwane, ulwakulumbanya icisinka nu ulingi wako, nemo namakwimbila we Yawe.

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Yelemiya 22:16

Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.