Mika 6:5 - Amazwi Yakwe Leza 2013

⁵ Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Mika 6:5 交叉參考

Mpendwa 25:1

Pa nsita ilya aina Izlaeli yali ku Syitimu. Ali lino antu iyatandika ukucita uzelele na anaci aina Moabu.

Yakapingula 5:11

Uvwini! Amaumba ya vyongo yano yali lwaku vifula ukuzinguluka. Kuku akuno yakulanda pa kucimvya kwakwe Yawe, ukucimvya wa nkonkotela ya ina Izlaeli. Lyene antu yakwe Yawe yatentemuka ukufuma mu misumba yao kwiza ku mpongolo zyakweyo.

Yoswa 4:19

Pa wanda uwalenga ikumi, mu mwezi wakutandika antu yalamvile Luzi lwa Yodani, iyaya yakuula insakwe mu Giligali pa mupaka waku ufumondaka wa musumba wa Yeliko.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

2 Petulo 2:15

Yasya inzila ya wololoke, nupya yaponga pa kulondela musango wakwe Balamu mwana wakwe Beoli. Balamu watemilwe impiya pa kuluvyanya kwakwe.

Masamu 143:11

Unsungilile nje umumi, we Yawe apamulandu ni zina lyako sile. We mololoke, upususye umwenzo wane ku malanda.

Malango 16:3

Apa kulya icakulya cico mutakezye ukulya imikate umuli icitutumusi. Pa manda cinimbali musi nu kulya umukate umuli icitutumusi, wakwe vino mwacisile lino mwafumile mu mpanga ya Eguputo mu lwilo. Mukalye imikate iyo wa mikate ya ucuzi, pamulandu wakuti ilamwiusya vino mwacuzile cakuti amanda yonsi yano mulikala pano nsi mulaiusya uwanda ulya uno mwafumile mu mpanga ya Eguputo.

Malango 9:7

“Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

Efeso 2:11

Caleka mwiusye vino mwemo mpiti mwali Akulukuwa. Nupya Ayuda yano akaitumika pano yasilamulwa yene yamanga mwemwe ukuti “Atasilamulwa.”

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Mpendwa 31:16

Uzye mutamanyile ukuti yakwene ali yano apakulondela umpandamano wakwe Balamu yalenzile kuti aina Izlaeli yafutuke nu kusangukila Yawe mu mulandu wa pa Peoli, cakuti impungo yizile ipona pa ina Izlaeli.

Mpendwa 31:8

Iyasalipa na yamwene yasano ya ina Midyani, ali wakwe Evi, Lekemu, Zuli, Huli na Leba. Iyakomola kumwi na Balamu umwana wakwe Beoli.

Mpendwa 23:27

Nupya Balaki anena Balamu ati, “Twende, nkutwale kuze. Nalimwi kwene ali kuno Leza angatemwa kuti uyatipwile.”

Mpendwa 22:41

Uwanda uwalondelilepo akatondo Balaki asenda Balamu nu kumulemezya ukupeela ku myamba ya Bamoti Baali, pakuti alole sile akapukutu ka ina Izlaeli ali ku lutwe lwa nsakwe.

Masamu 111:4

Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

Masamu 71:19

We Leza, usuma wako wafika sile nu mupela. Wemo wacita ivintu ivikalamba wakwe cimwi! Icacumi, kutaya nanti wenga uwaya wakwe wewe!

Masamu 36:10

Twalilila uluse lwako kuli yao akumanya, nu ulungami wako kuli yao aswepe imyenzo.

1 Samueli 12:7

Acino fwandi lyene imililini pano, nga nani namamusinila pa manso yakwe Yawe, pamulandu ni vizungusyo vyonsi vino Yawe wacitile mwemwe ni vikolwe vinu.

Mpendwa 33:49

Kuku kwene mu manyika aku Moabu akuno iyaya yakuula insakwe mu nkumba yakwe Yodani kutandikila ku Beti Yesyimoti mpaka ukufika ku Abeli Syitimu.

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.

Yoswa 3:1

Katondotondo Yoswa na Ina Izlaeli yonsi iyatenuka ukufuma ku Syitimu nga iyaya ku Yodani, kuno yakuuzile insakwe lino yatacili yalambe.

Yakapingula 11:25

Uzye ukwelenganya ukuti wemo wazipa ukuluta Balaki umwana wakwe Zipoli, nupya umwene waku Moabu? Uzye wene watazile alemanizya aina Izlaeli nu kulwa nayo?

Ezaya 1:27

Pamulandu wakuti Yawe umulungami, wene alapususya Zioni. Yawe akacita wa vyaololoke, alapususya na ikazi yamwenemo yayo azenzuka.

Mpendwa 25:2

Fwandi ale aina Moabu nayo yakwama antu ku kupeela impolelwa zyao kuli tuleza twao.

Malango 23:6

Ukufika sile na pano mulayelelela wa mutundu, mutakezye ukucita akantu kali konsi aka kwazwilizya imitundu iyo nanti ukuilenga ukuya nu longo.