Mika 6:4 - Amazwi Yakwe Leza 2013

⁴ Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Mika 6:4 交叉參考

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Amosi 2:10

“Mwe ina Izlaeli anene namufumizye mu mpanga ya Eguputo. Nene namutungulwile mu lwanga pa myaka amakumi yani, kuti imupele impanga ilya ya ina Amoli.

Yelemiya 32:21

Wafumizye umutundu wako wa ina Izlaeli mu mpanga ya Eguputo, umu vimanyililo nu ku vipezyamano, apakutambalika ikasa lyako lyamaka ni ngofyo zikulu.

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

Mpendwa 12:1

Milyamu na Aaloni yatandike ukuilizyanya pali Mose pamulandu wa muci umwina Kusyi, wino watwite pasi pano umuci wakwe wali umwina Kusyi.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

Masamu 77:20

Endi mwandi, avino watungulwile antu yako wakwe kacema wa mfwele, pamwi ni ntunguluzi zyao, Mose na Aaloni.

Malango 24:18

Mwaiusya ukuti mwemo mwali azya mu Eguputo nga nu kuti Yawe Leza winu wamucisile ukuya antungwa. Uli mulandu uno natimupeela ilamulo lii.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 9:26

Nga nani napefile inti, ‘Iye, we Yawe Simwandalali, utezya wonone antu yako, antu yako kololo yano wakulwile nu kuyafumya mu Eguputo ku ulamba na maka yako akulu.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Kufuma 4:16

Aaloni alaakuvwangila ku antu mu cifulo cako. Wemo kunoli ulaya wakwe Leza, ule ukumunena ivyakuvwanga.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Kufuma 3:10

Ndakai nakutuma kuti uye kuli Falao ku Eguputo pakuti ukatungulule antu yane, uyafumye mu Eguputo.”

Kufuma 4:10

Lelo Mose anena Yawe ati, “Awe Yawe, utantuma. Nemo ntamanya kuvwanga ningo ukufuma mpiti, nanti aepa kwene pano utandikile kuvwanga nani. Lulimi lwane lwanyoma nupya nkatitisya.”

Mpendwa 33:1

Katulole vino ulendo wa ina Izlaeli wali ukufuma ku Eguputo ukulingana ni mitundu yao. Yene yatungululwanga kuli Mose na Aloni

1 Samueli 12:6

Lyene Samueli anena antu ati, “Yawe umwisikulu aliwe wasolwile Mose na Aaloni nga afumya ivikolwe vinu mu mpanga ya Eguputo.

Kufuma 6:27

Alio kwene yanenyile Falao umwene waku Eguputo ate aina Izlaeli yapite antungwa.