2 Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”
Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.
Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.
Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.
Wasimpisya insi ndi, isi yakutelengana foo.
Apansi pali yemba ipaloleka, nu mufula wa nsi wasime pa nsita ino Yawe wakalipila anisi yakwe nu kuyazotokela umu ukali.
Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.
“Apakusumba uluko lonsi lwa ina Izlaeli apamulandu wa vintu vyonsi vino lwacita, suka sile namanye amayulu yatala yapimwa, na pa simpwa insi yonsi napo patala papimwa.” Ivyalanda Yawe.
Alino cilulumo cakwe cuvwika mpaka nu kumpelelekezyo ya nsi. Pano Yawe akusinila imitundu ino yaleta antu yonsi uku cilye. Aipe alayapingwila ukukomwa.” Ivyalanda ne Yawe.
“Fwandi ne Yawe namamupeela nupya umulandu, ivyalanda Yawe. Ndapeela ni vizikulula vinu umulandu.
Aleni fwandi katuteke imilandu namwe, landini umulandu uno mumampeela! Londololini tuvwe umulandu winu, apakuti munsinile ukuti mwemwe mukalungika.
“Ale lyene fwandi, mwe ina Yelusalemu tuputwilini umulandu wakwe cuza wane ni calo ca matingi.
na lino wene wisile yanande yakwe yemba umwakuti amanzi yapelela, nemo apano nali. Lino watungilile insi nu lucesi, nemo apano nali.
Lyene insi izakaza nu kusunkana. Umufula wa lwelele iutenta, nu kuzungana pamulandu wakuti Leza wasosile!
Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.
Yawe watakatuka apa cilimba cakwe ica upinguzi. Wene watakatuka nu kulolwela antu yakwe.
Uvwini lyene vino Yawe akuvwanga ati, “Katuka, ulande umulandu wako pa manso ya myamba. Si leka ni milundu yuvwe amazwi yako.
Walanga acili mu ndilwa yakwe nyina, Yakobo wapilikisyinye nu mwina, nga lino wakuzile alwisyanya na Leza.
