Mika 6:16 - Amazwi Yakwe Leza 2013

¹⁶ Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Mika 6:16 交叉參考

Yelemiya 51:51

Mwalanda muti, “Twali ni nsonyi apakuvwa umuzewanya, ala pasi pa nsonyi pa mausyu itu pamulandu na enyi yano yingile mu ncende zyamuzilo zya Ng'anda ikulu yakwe Leza.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Ezaya 25:8

Lilyo ala wataonona ni mfwa kwene! Yawe Simwandalali alakumbula aminsozi mu manso ya antu yonsi. Wene alasisya insonyi uku antu yakwe yonsi. Yawe watavwanga.

Masamu 44:13

Ainipamba nga yalola vino watucitila lyene pasi pakutusoweka.

Umbwilo 2:20

Lelo nkuilizyanya pali cii cakuti ukazumilizya Yezebele mwanaci wino akailanda umwisikulu ukuti wene inkombe yakwe Leza. Wene akaomvya usambilizyo wakwe pa kuponzya aomvi yane kuti yalongozya nu kulya vyakulya vyapeelwa ku tuluwi.

Oseya 5:11

Antu yakwe Efulemu yakuzunyiwa, nu kufyengelekeziwa pamulandu wa kuuvwila yauze.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Ezekelo 39:26

Yalaya insonyi zyao na ucisanguka onsi uno yancitile lino yatenzi ku matwi cele mu mpanga yao umutali uwa kuyoofya.

Nyimbo zya ndosya 5:1

We Yawe, uwaiusya ivyatucitikile. Lolekesya, ngulole ukucula kwitu.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

2 Milandu 34:25

Nemo yansangukila, yatandika nu kocela tuleza tuze ubani. Yene yansosya umwenzo pali vyonsi vino yacita. Nani ne Yawe nasokela aina Yelusalemu nupya ntalezya nu kuwezya umwenzo.

2 Yamwene 21:3

Wene wakuululwile incende zyakupepela mwenemo utuluwi, zino isi Hezekiya wasile watamola. Wakuulile Baali kavuwa nu kupangila Asyela ulucesi, wakwe vivi kwene vino Aabu, umwene waku Izlaeli wacisile. Manase wapepanga ni ntanda kwene.

2 Yamwene 16:3

Wene wacitanga ivintu iviipe kwati sile ivyacitanga yamwene aku Izlaeli. Aazi wiyo wapile umwana wakwe umonsi wa mpolelwa yakoca, umu kulondela imisango iipe iya nko zino Yawe wazinzile umu mpanga ilya lino aina Izlaeli yingile mwenemo.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 9:8

Na pa Ng'anda kwene ii palasyala itongwa, kwati pataizipiile. Nu muntu wensi uwafika penepo alauzya ati, ‘Uzye pacani cino Yawe wacitila icintu camusango uu ku mpanga ii nu ku Ng'anda kwene ii?’

Yelemiya 25:18

Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Oseya 12:14

Lelo aluko lwakwe Efulemu yalenzile kuti ukali wakwe Yawe ufulume, acino yalinzile ukufwa pamulandu wa kwifya kwao. Umwene wao alayavunuka pa vicitwa vyao vyamulenzile insonyi.”

Mika 2:6

Antu iyavwanga kunondi yati, “Utasema, Utasema pa vintu vii. Ala swemo tutamazewana awe.

Mika 6:13

Caleka natintandika ukonona mwemwe, ukutanganya mwemwe pamulandu wa maifyo inu.

2 Milandu 22:4

Wene wifyanga pa manso yakwe Yawe, ndi vino akazi kakwe Aabu yacitanga, pano lino isi wafwile, akazi kakwe kwene amupanzile amano pa milimo yakwe iipe.

Masamu 44:14

Watuleka imitundu yuze yaama umutundu witu ni mitumfyo, yakukunta sile imitwe pakutusuula.