Mika 6:10 - Amazwi Yakwe Leza 2013

¹⁰ Uzye nemo ningilila uli icuma icili mu mang'anda ya antu aipe, cino yalonka mu ucenjezi, nga nu kuomvya vipimilo vyaufi vino nemo napata?

Mika 6:10 交叉參考

Amosi 3:10

“Yene yatamanya ukucita vyaololoke yayo akazuuzya ivisampwe vino yapokolola mu kwiya.” Avino Yawe wavwanga.

Mapinda 20:10

Ivipimo vyakupimila ukunyoma, ni vipimilo vyuze ivya ntumpu, vyonsi kwene Yawe wavipata.

Mapinda 21:6

Ivyuma vyakulonkela mu ucenjezi vyene visilengela ukulowa. Nupya vikatala visya umuntu ku pipi ni mfwa.

Mapinda 20:23

Yawe wapata antu yano yakaomvya inteko zya ucenjezi, ni nteko zya ucenjezi nazyo zisimuzanzya.

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Mapinda 10:2

Icuma cakulonkela umu ucenjenzi cisituula, lelo uololoke wene ukatuula ukufuma ku mfwa.

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Zefaniya 1:9

Pa wanda kwene ulya indavunuka yayo yonsi akapepa wa inamasi, yayo akaiya, akakoma auze, kuti yazuzye ivisampwe umu ng'anda ya kaluwi kaleza kao.”

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

Amosi 3:9

“Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Zakaliya 5:6

Nga nani imuzya inti, “Uzye icani?” Nawe angasuka ati, “A cimpokoso cakupimilako uyi onsi uwazula insi yonsi.”