Mika 5:13 - Amazwi Yakwe Leza 2013

¹³ Ndonona amaunkolanya inu yonsi kumwi ni vipilala vya mawe vino mukapepela penepo mu mpanga inu. Mutalatala mufukamile vintu vivyo nupya, vino mwapanzile na makasa inu.

Mika 5:13 交叉參考

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Zakaliya 13:2

“Pa nsita kwene ilya ndalovya amazina ya tuluwi mu mpanga ilya, nga kutalaya nanti umwi alaiusya nupya. Na yakasema yaufi nayo ndayafumyamo, ndafumyapo nu mukonkelelo wakupepa utuluwi.

Oseya 14:8

Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Ezekelo 37:23

Yatalaikowezya nupya uku tuluwi foo, nanti ukuikowezya uku vintu vyuze iviipe. Ndayapususya uku misango yao iipe ino yayalenganga ukwifya nu kunsangukila. Ndayazifya nayo yalaya antu yakwane sile, nani ndaya Leza wao.

Ezaya 2:8

Utuluwi mu mpanga yao twatituvulisya, lyene yakufukamila imilimo yao, aino yakupepa, yakufukamila ni vintu vino yaipangila ku minwe yao.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Yakapingula 18:17

Aonsi yalya yasano aile iyendezya impanga yingila mukasi ka ng'anda ilya iyatola akaluwi akawaze, ni cakuzwala ca efodi, nu tuluwi tuze pamwi na kaluwi akawaze kano yengelelako siluva. Ale lilyo simapepo aimilile pa mulyango pamwi ni vita imyanda mutanda.

Ezaya 2:18

Lyene kulaya ali kulowelela kwa tuluwi tonsi.

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Naumi 1:14

Yawe wapeela ilamulo lyapali mwemwe, mwe ina Ninive, ati, “Mutalakwata amu mupanda akuti yatwalilile ukwimika umupanda winu. Nupya ndonona utuluwi twinu utuwaze nu twakwengulula utwaya mu ng'anda ikulu yakwe tuleza twinu. Nkumuteyanyizizya ilindi umwakuti ince muziike, pano mutalinzile kuya nu umi!”

Zefaniya 1:4

“Ndakonzolola ikasa lyane kuti mvunuke antu amu Yuda na onsi aikala mu Yelusalemu. Ndonona vyasyala vyonsi vyakwe Baali apa ncende ii. Kusi nanti umwi wino aliusya yasimapepo yano yakamutumikila.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Ezekelo 16:41

Yaloca amang'anda yako nu kukupezya apa manso yi umba lyakwe yamangu. Ala mwine, ali lino ndaputula umunyanya wakwe ucizelele wako. Utalatala nupya ukalipile yacizelele yako aonsi.