Mika 5:12 - Amazwi Yakwe Leza 2013

¹² Ndonona amalele inu yonsi, nga pakasi kinu patalaya yakasapoola.

Mika 5:12 交叉參考

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

Ezaya 2:18

Lyene kulaya ali kulowelela kwa tuluwi tonsi.

Ezaya 27:9

Uyi wa ina Izlaeli, ana yakwe Yakobo, utalelelwa foo. Suka sile manye lino yalamala ukutamola amawe yano yakuulila utuvuwa twa antu atamanya Leza. Vilaya ivyakusyunola ndi vino yakasyunola insio, nupya suka yakamale ukonona amaunkolanya yakwe Asyela yonsi, kumwi ni viimbili vya tuvuwa tonsi utwakocelapo ubani.

Malango 18:14

Antu amu nko zino mulapoka impanga yakauvwa kuli yao akasapola nu kuuzya ku mipasi. Lelo mwemo Yawe Leza winu atamuzumilizya ukucita vivyo.

Ezaya 44:17

Cimuti cino casyala kweneko acino apangilako kaleza kaluwi, akafukamila akataizya, nga avwanga ati, “Untuule, pano wewe uli leza wane.”

Ezekelo 16:41

Yaloca amang'anda yako nu kukupezya apa manso yi umba lyakwe yamangu. Ala mwine, ali lino ndaputula umunyanya wakwe ucizelele wako. Utalatala nupya ukalipile yacizelele yako aonsi.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.