Mika 4:5 - Amazwi Yakwe Leza 2013

⁵ Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

Mika 4:5 交叉參考

Zakaliya 10:12

Nene ne Yawe ndakomya antu yane, nayo yalampepa nu kunjela.” Avino Yawe wavwanga.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

Ezaya 2:5

Mwe amu mupanda wakwe Yakobo, si izini twapita umu luswepo luno Yawe watupeela.

Masamu 48:14

“Muu, umwaya Leza witu uwa pee na pee, ali katungulula witu uwa manda na manda, umuyayaya.”

Kolose 2:6

Mwemo mwazumila Klistu kuya Mwene winu. Caleka twalililini ukwikalilila muli aliwe.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

2 Yamwene 17:34

Ukufika na ndakai kwene yatasazya, yacili yakatwalilila ukulondela imisango yao iyampiti. Yasipepa Yawe foo, nanti ukulondela iceo cakwe Yawe cino wayapile ukupitila mu ana yakwe Yakobo, wino watemile izina lyakwe Izlaeli.

2 Yamwene 17:29

Lelo antu yaya aile yikala umu Samaliya, yatwalilile ukupanga utuluwi nu kutwika umu ng'anda zyao zyakupepela mwenemo, zino aina Izlaeli yalanga yapanga, mu misumba yonsi ino yikalanga mwenemo.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Masamu 71:16

We Yawe Simwandalali nemo namalumbanyanga amaka yako, nu kulumbilizya usuma wako, nao uwako sile wenga.

Milimo 14:16

Ku mpiti walesile antu kucita vyonsi vino yakulonda.

Ezaya 26:13

We Yawe Leza witu, nanti angala twatazile tumateekwa na yamwene yauze, lelo awewe wenga mpo tukacindika izina lyako.

Malango 27:10

Acino mwayela Yawe Leza winu nu kulondela amalamulo yakwe yano nkumupeela ilelo.”

Masamu 20:6

Lyene namanya ukuti Yawe akapeela ukucimvya uku musololwe wakwe. Wene akamwasuka ukufuma umwakwe umupela umwamuzilo, nu ku maka yakwe akulu amupeela ucimvyo ukulu.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.