Mika 4:13 - Amazwi Yakwe Leza 2013

¹³ Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Mika 4:13 交叉參考

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Ezaya 23:18

Impiya zino alazana mwenemo alazituula kuli Yawe. Lelo zitalasungilwa umu nzila ili yonsi. Pano yayo yonsi akapepa Leza yalatoola impiya zyakwe nu kukalamo ivyakuzwala ni vyakulya vino yakulonda.

Ezaya 18:7

Pa nsita ilya kwene antu yaliza na mawila akutuulila Yawe Wamaka yonsi. Antu yaya yalaya atali nupya atelepelele inkanda, yano antu yauze akutali na amupipi kwene yakaoopa wakwe cimwi pano nsi, antu yano inguzi izili yanande ya mpanga yao. Yene yalaiza na mawila yao uku Mwamba wa Zioni kuno antu yakapepa Yawe Wamaka yonsi.

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”

Zakaliya 4:14

Umungeli nawe ati, “Antu yaa yaili ali yano Yawe umweneco wa nsi yonsi wapaka amafuta nu kuipaatwila pakuti awino yaombela.”

Yelemiya 51:33

Yawe Wamaka yonsi, Leza wa ina Izlaeli, wavwanga wati, “Umwana mukazyana wakwe Babiloni akoline nu lwano lwa kupuulilapo ingano pa nsita ino yakupuula. Insita yakumuzombola yatipalamila ukwiza.”

Masamu 68:29

Umu ng'anda yako, iyaya umu Yelusalemu, muno yamwene yakakutulila ivya mawila,

Yoswa 6:19

Siluva na zaabu wensi nga ni vintu vyonsi vya mukuwa ni vya vyela vyene ivyakwe Yawe nupya vilinzile ukwikwa mu cipao cakwe.”

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Masamu 72:10

Yamwene aku Tasyisyi, na yaya aikala lwa mu vilila yalukuleta amawila kunoli. Yamwene aku Syeba na aku Seba nayo yalukuleta ivya mawila kunoli.

Malango 33:25

Si leka imisumba yakwe ice ikwate ucingililo wa mpongolo zya vyela, Nupya ace aikala ulumi insita zyonsi.”

Ezaya 21:10

Mwe antu yane, ala yatiyamupuula ungati avino yakapuula ingano. Lelo pali ndakai namamunena amazwi asuma, yano natinuvwa ku Mwene wa vita, Leza wa ina Izlaeli.

Yelemiya 51:20

Yawe wavwanga wati, “Babiloni awewe uli nondo yane, canzo cane cakulwilako inkondo. Naomvizye wewe kuti imvungole inko na mawene,

Oseya 10:11

Uku mpiti aluko lwakwe Efulemu yali wa ndama ino yatonsya ningo iyakulimila, nupya ino yatemwa ukupuula ingano. Acino ndakai namaizwika iyoko umu nsingo yakweyo iyembe, kuti iombe umulimo ukome. Nkasi kuti Yuda atucike, Yakobo nawe aume amazela.

Habakuku 3:12

Wemo mu ukali wako uwiza usalala ukucilinganya insi yonsi, ulyatola antu amitundu yonsi mu cipyu cako.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Mika 5:7

Lyene antu yakwe Yakobo asyala yonsi yalaya pakasi ka mitundu ingi ya antu, wa lumi ulwafuma kuli Yawe. Yalaya wa mvula ino ikutonya pa mulemvwe, ino isilolela ukunenwa nu muntu, nanti umuntu aipeele ilamulo.

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.

Zakaliya 12:6

“Pa nsita iyo ndaleka inko zyaku Yuda ziye wa moto ukwaka mu mutengo onga nanti mu calo conga umuli ingano zikupya. Inko zizyo izilalovya antu amu mitundu yonsi iya mupipi. Aikazi amu Yelusalemu yalaikalila ku matwi cele mu musumba wao.