Mika 4:11 - Amazwi Yakwe Leza 2013

¹¹ Lelo ndakai antu amu nko zivule yatiyakongana kuti yize yamuzanze. Yene yakuti, “Tuini tonone Yelusalemu, mpaka tulole ukuti waya wa citalang'anda!”

Mika 4:11 交叉參考

Obadiya 1:12

Mwemo mutalinzile ukusyenteka anyonko Ayuda pamulandu wa malanda yano yayaponela. Mutalinzile ukuzangila mu wanda wa kononwa kwao, nanti ukuyaseka mu nsita ino yene yakucululuka.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Yelemiya 52:4

Zedekiya wasangukile umwene Nebukadineza waku Babiloni, cakuti nawe Nebukadineza wizile ni vita vyakwe vyonsi ku kwiza lwisya umusumba wa Yelusalemu. Cali apa wanda walenga ikumi, mu mwezi walenga ikumi mu mwaka walenga ikumi uwa wene wakwe. Yizile yakuula insakwe zyao ukunzi ya musumba, yauzinguluka, yatulika imitumba yiivu iya kulwisizya anisi yao.

Masamu 129:5

Yayo yonsi yano yapata Zioni insonyi kaziyaleme nu kusunkilwa uku cisila.

Ezaya 10:7

Lelo umwene wa ina Asilya wakwata amapange yauze sile, umu mwenzo wakwe nupya aukali. Wene wapanga ukulovya antu amu mitundu iingi.

Ezaya 17:12

Owe, antu amu mitundu ivule yakupokota, yakupanga icongo wakwe yemba, wa maimbi akulu yano yatiyimilila yakupumana!

Ezaya 29:7

Umucumi ivita vya antu amitundu yonsi vino vikawililila umusumba wa Alyeli kumwi ni vyanzo vyao vya nkondo ni viya vyao vyuze ali lino vilongoloka wa ciloto caku tulo.

Ezekelo 26:3

Caleka nemo ne Yawe nkuyanena inti, ‘Mwe ina Tuli, lyene nene indi mwanisi winu alipo. Ndakatusya antu amitundu ivule pakuti yakize yakamuzanze, yaliza ndi vino maimbi ya muli yemba yakacita.

Masamu 83:5

Yatiyapangana nupya yatiyuvwana ukwiza uku kulwisya.

Ezekelo 38:17

Yawe Simwandalali wavwanga wati, ‘Awewe navwanzile umu nsita yampiti, lino aomvi yane yakasema amu Izlaeli, yasesime umu manda yalya, iyasowela ukuti ulayizila.’ ”

Zakaliya 12:3

Pa wanda kwene ulya umusumba wa Yelusalemu ndaucita wa ciliwe cinyome wakwe cimwi ku mitundu yonsi ya antu. Na antu yonsi alezya kucikatusya imisana yao ilavunika. Mitundu yonsi ya antu ya panonsi yaluminkana kuti yezye ukuwililila umusumba wa Yelusalemu.