Mika 3:2 - Amazwi Yakwe Leza 2013

² mwemuno mwapata ivisuma, mwatemwa iviipe? Antu yane mwayacita kwati mukayafuwa impapa ala yacili apuma, nu kucekola iminyefu yao.

Mika 3:2 交叉參考

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Mapinda 28:4

Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.

Masamu 53:4

Leza akuuzya akuti, “Uzye yonsi akacita iviipe, umulandu wakuntamanya acino yakaifizya? Yene yikalila sile ukwiyila antu yane nu kumpepa yasimpepa foo.”

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Ezaya 3:15

Uzye apacani cino mwapokela antu yane insambu? Uzye umulandu cii uno mukuliila apina amasuku pa mutwe?” Ivyavwanga Umwene, Yawe Wamaka yonsi.

2 Milandu 19:2

Kasema Yeu umwana wakwe Hanani nawe ala watafumila apanzi ku kumukomenkanya. Lino yakomenkana, nga kasema Yeu auzya umwene ati, “Uzye icisuma ukwazwilizya anisi yakwe Yawe? Apamulandu uu, umukosi wakwe Yawe uli nu kukuponela.

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Yoane 18:40

Nao yasanzika mazwi yao, yaasuka yati, “Awe, wene foo! Tukulonda Balaba!” (Balaba wali cipondo.)

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Luka 19:14

Lelo, aikazi ya mpanga ino walimo yamupasile. Caleka yatuma inkombe pacisila cakwe kuti zikalande ziti, ‘Tusikulonda umuntu wii, kuti aye mwene witu.’

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Ezekelo 34:3

Mwemo mwailyokezyanga iziya, mwazwalanga insalu izyokoswa na mavumbu ya mfwele kwene, mwakomanga imfwele iziine ningo, lelo mutacemanga ufyo foo.

Masamu 15:4

Awiyo wino akalolekesya umwipe ni misuula, lelo akacindika nu kutontela Leza. Wino ndi walapa asifutuka, nanti angailetelela umweneco.

Ezaya 57:12

Lyene fwandi umaleka ukuti inike ulungami wako apaswe, ni vicitwa vyako ivya uwelewele.

Ezekelo 11:7

Icaleka Yawe Simwandalali wavwanga wati, “Ivyala vino mwasumba umukasi ka musumba ali nyama, umusumba nao ali ntendo, lelo mwemo ndamuzinga mwenemo.

Ezekelo 24:4

“ ‘Putolela mfinyango zya nyama, izisuma zyaku myendo yonsi, wike mwenemo ni nyama zisuma zya mafupa.

Mika 2:8

Yawe akuti, “Lelo mwemo mukakatukila antu yane wa mwanisi. Antu yakufuma ku nkondo, ala yakwelenganya ukuti kumwao kuli umutende. Lelo mwemo mukayafisamila, imwelenganya ukuyapoka imingila yao ino yazwite.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Ezaya 5:20

Kalanda kuno muli mwe yaunteleu, mwe yamulengulula mwe. Mwemo mukatola iviipe, imulola ngati ivisuma. Alino nu kutoola ivisuma avino mwemo imucita ukuya iviipe! Imusangula imfinzi aino iya uluswepo kuno muli, alino uluswepo nalo iluya imfinzi! Ivilule avino mwemo imusenula ivyakulya mpe, alino ivyakulya mpe imuvisangula ivilule!

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.