Mika 1:4 - Amazwi Yakwe Leza 2013

⁴ Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Mika 1:4 交叉參考

Naumi 1:5

Imyamba ikatenkana pa manso yakwe, nu tulundu nato tukasunguluka. Insi ikasunkana lino Yawe waloleka, kuli kuti insi yonsi kumwi na antu aikala mwenemo yazakaza.

Masamu 97:5

Imyamba ikasunguluka sile wi pula, apa manso yakwe Yawe, apa manso ya Mwene wa nsi yonsi.

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

Habakuku 3:6

Wene ndi wimilila, insi yonsi ikatenkana. Ndi walolekesya, insi yonsi izakaza. Imyamba yape ikasunguluka ni milundu yamuyayaya nayo ikalokotela pansi. Ikwene ili milundu ino twapitangamo.

Amosi 9:5

“Mwene, Yawe Wamaka yonsi, akakumya insi nga nayo itenta, nga yonsi aikala mwenemo iyalila. Insi yonsi ikatuka nu kupona wa luzi lwa Nailo.

Yakapingula 5:4

We Yawe lino wafumile ku myamba ya Seili, lino wafumile ku mpanga ya Edomu, insi yasunkine nga ni mvula itonya. Endi amanzi yapongolwike ukufuma mu makumbi.

Umbwilo 20:11

Nupya ndola cilimba ca wene cikulu citiswe, nga ndola na wino atenzipo. Insi ni yulu vyutuka kufuma pa manso yakwe, nga vitatazile viloleke nupya.

Zakaliya 14:4

Pa nsita iyo wene alimilila pa Mwamba wa Miolivi, uwa uwalungatana nu musumba wa Yelusalemu lwaku ufumondaka. Nu Mwamba wa Miolivi ulalepuka pakasi, ukutandikila ku ufumondaka mpaka nu ku uwondaka. Fwandi palaya iciposi wakwe cimwi. Icipande conga ca mwamba cilaya uku katutu ni cuze naco uku kayeya.

Masamu 68:2

Ndi vino icunsi cikasansantika, avino nayo kwene kayasansantike. Vivi kwene vino ipula likasunguluka uku moto, avino na antu aipe kwene kayapongelele, yafume apa cinso cakwe Leza.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.