Mateo 9:4 - Amazwi Yakwe Leza 2013

⁴ Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Mateo 9:4 交叉參考

Luka 6:8

Lelo Yesu amanya melenganyo yao nga anena umuntu uwali ni cizanza cilemale ati, “Katuka iza kuno ku nkolelo.” Umuntu akatuka aya aimilila kunoli.

Mateo 12:25

Lelo Yesu lino wamanya vino yakwelenganya ayanena ati, “Antu amu wene uli onsi ndi yakatukilana aisikulu nu kuilwisya, lyene uwene uwo ulawa. Na amu musumba uli onsi nanti amu ng'anda ndi yakatukilana aisikulu nu kuilwisya, yene yalapaatukana.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Luka 11:17

Lelo Yesu lino wamanya vino yakwelenganya, ayanena ati, “Antu amu wene uli onsi ndi yakatukilana aisikulu nu kuilwisya lyene uwene uwo ulawa, na amu ng'anda ndi yakatukilana aisikulu yene yalapaatukana.

Masamu 139:2

Wamanya vyonsi vino nkacita. Ukamanya vino nkwelenganya, nanti uli akatalamukila uli.

Masamu 44:21

ngano wamanya mpiti. Pano inkama zyonsi izyaya umu myenzo ya antu, wemo wazimanya.

Milimo 5:9

Caleka Petulo amuuzya ati, “Uzye pacani wemo nu wako mwati musolola kwezya Mupasi wa Mwene? Antu yano yafuma kukuzika uwako ndakai yali pa mulyango, nga nawe kwene yamakufumya yakusende!”

Yoane 16:19

Yesu amanya vino yakasi kumuuzya, caleka ayanena ati, “Uzye mukuuzyanya pali cino nali namunena nati, ‘Pa kasita kanono mutalandola, nga pa kasita kanono mulandola nupya.’”

Yoane 6:64

Lelo nalyo kwene yamwi munomuli yasyakutaila.” (Kufuma ku utandiko wa kutumikila kwakwe, Yesu wamanyile yao atalamutaila nga na wiyo alamukoopa)

Yoane 6:61

Lelo Yesu lino wamanya vino alondezi yakung'wing'wintika pa mazwi yaa, ayauzya ati, “Uzye cii camusakamika?

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Luka 5:22

Lyene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Mako 12:15

Lelo Yesu amanya usomvi uwamu myenzo yao, ayanena ati, “Uzye pacani mukungezya? Letini lupiya longa kuno ndulole.”

Mako 2:8

Lilyo kwene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Luka 7:40

Yesu amunena ati, “Simoni, nkweti cimwi icakukunena.” Nawe amwaasuka ati, “Kasambilizya, nena tuvwe.”

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.