Mateo 9:2 - Amazwi Yakwe Leza 2013

² Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Mateo 9:2 交叉參考

Mateo 9:22

Lelo Yesu aseleuka amulola, amunena ati, “Kaciwe, teku mwenzo utasakamala! Utailo wako wakupozya.” Pa kasita kwene kako mwanaci apola.

Yakobo 2:18

Ndi cali umuntu umwi avwange ati, “Muntu wenga wakwata utailo, lino muze wakwata milimo.” Kulanda kwane kukuti, “Mundange vino umuntu angakwata utailo kwaula milimo isuma. Namamulanga utailo wane vino uli kupitila mu milimo yane.”

Milimo 19:12

Nanti ivitambala, ni nsalu kwene zino wazwalanga ndi yatwala ku alwale, ndwala zyao zipola ni mipasi yankota ifuma munoyali.

Yoane 21:5

Lyene ayauzya ati, “Mwe yacuza, uzye mutumile nanti inswi yonga?” Nao yaasuka yati, “Awe, mukwai twawela sile minwe mitupu.”

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mateo 4:24

Ni landwe lya pali aliwe lisalangana mu mpanga yonsi ya Silya na antu yamuletela alwale alwile ndwala zya misango yonsi nga na yao ali ni mipasi yankota na yao ali ni vifumfumi, pamwi ni vite, nga ayapozya.

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Milimo 14:9

Muntu wi watenzi ala akuuvwa ku mazwi yakwe Paulo. Paulo alola vino akweti utailo na vino angapoziwa. Caleka amulolekesya,

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Mateo 9:6

Nkasi musininkizye ukuti Mwana wa Muntu ali na maka muno nsi akwelela amaifyo.” Lyene avwanga ku cite ati, “Katuka, nyemula icintamba cako pitanga ukwako.”

Mateo 8:16

Lyene manguzi yamuletela antu aingi ali ni mipasi yankota, nawe aifumya kwi zwi nga apozya na alwale onsi.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Yoane 2:25

Nupya atalondanga kuti umwi amunene vino antu yaya, pano umwisikulu wamanya vyonsi ivyaya mu myenzo yao.

Mako 5:34

Yesu nawe amunena ati, “Kaciwe, utailo wako wakupozya. Pita ulumi, uposiwe ku ndwala yako.”

Mako 1:32

Lyene manguzi, antu yamuletela alwale yonsi ali ni mipasi yankota.

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Mateo 6:12

Utwelele maifyo itu vino naswe tukaelela yano akatwifya.

Mateo 9:5

Uzye icangupala icani, kunena umulwale ukuti, ‘Maifyo yako yelelwa,’ nanti ukuti, ‘Katuka utandike nu kupita?’

Mateo 14:27

Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mako 6:50

pano lino yamulola yuvwa intete cuze. Lyene lilyo kwene Yesu nawe avwanga kunoyali ati, “Posyini! Anene! Mutoopa!”

Mako 10:49

Yesu aimilila avwanga ati, “Mwamini.” Caleka yama impafu yati, “Teku mwenzo! Katuka, akukwama.”

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”