Mateo 9:18 - Amazwi Yakwe Leza 2013

¹⁸ Lino acili akuvwanga amazwi yaa kunoyali, umwi uwali intunguluzi iyamu cifulo cii, aiiza kunoli. Alino amufukamila, amunena ati, “Mwanane kaci wafwa likwene. Lelo tuye ukamwikepo ikasa lyako, nga amaya umumi.”

Mateo 9:18 交叉參考

Mateo 8:2

Lyene umuntu uwalwile tembwe aiiza kuli Yesu, afukama ati, “Mwene, ndu kasi ungampozya.”

Luka 13:14

Intunguluzi yamu ng'anda ya mapepo ikalipa pano Yesu wapozya umuntu pa Sabata. Caleka ivwanga ku antu iti, “Kwaya manda mutanda yano tungaombamo. Caleka mwaiza mu manda yaa mukupoziwa, lelo mutaiza pa Sabata!”

Yoane 11:32

Maliya aiiza kuno Yesu wali. Lyene lino wamulola, amufukamila, amunena ati, “Mwene ndu yapo, kalume wane nga atafwile.”

Mateo 9:24

Lyene avwanga ati, “Fumini! Umukazyana atafwile, lelo watakasula sile.” Lelo yene yamuseka.

2 Yamwene 5:11

Lelo Naamani wene apakulola vivyo, asoka sana nu kufumapo nga avwanga ati, “Nemo nali nkwelenganya ukuti amafumila apanzi pakuti tulolane nawe, alino apepe kuli Yawe Leza wakwe nga aswelule ikasa lyakwe pa vilonda vyane, alino ampozye kuli tembwe!

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Luka 18:18

Intunguluzi ya Ciyuda imwi iyuzya Yesu iti, “Kasambilizya musuma, uzye icani cino ndinzile kucita kuti mpokelele umi wape?”

Luka 7:2

Kuku kwali musika wa mpuka ya vita umwanda onga uwakweti muomvi wino watemilwe cuze. Muomvi wii walwile pipi nu kufwa.

Mateo 28:17

Lyene lino yamulola, yamupepa. Lelo yamwi yene yatwisika.

Mateo 17:14

Lyene lino iiza yuminkana ni umba, umuntu umwi aiiza afukama inkolelo yakwe Yesu.

Mateo 15:25

Lyene umwanaci aiiza amufukamila ati, “Mwene ungazwe!”

Mateo 14:33

Alino alondezi yano ali mu wato, yamufukamila, yavwanga yati, “Cumi, wewe Mwana wakwe Leza.”

Mateo 20:20

Lyene nyina wa ana yakwe Zebedi aonsi, aiiza kuli Yesu pamwi na ana yakwe oili, afukama, nga amulenga cimwi.

Mateo 8:25

Lyene alondezi yakwe yaya kunoli, yamuzyula yati, “Mwene tutuule, pano tuli pipi nu kuundwa!”

Mateo 9:17

Nanti uzye antu yangitulwila waini mupya mu nyambi zyampiti? Ndi yacita vivyo, nyambi zingalepuka, na waini angitika, nga ni nyambi zyononeke. Lelo waini mupya alinzile kwitulwilwa mu nyambi zipya, kuti inyambi na waini vitononeka.”

Mateo 9:19

Alino Yesu pamwi na alondezi yakwe yakatuka, yapita nawe.

Milimo 28:8

Isi wakwe Pubilio wali umulwale ala aizi pa musanzi. Walwile impepo nu kupolomya uwazi. Paulo aingila ku muputule wakwe, apepa, amwikapo makasa yakwe, amupozya.