Mateo 9:15 - Amazwi Yakwe Leza 2013

¹⁵ Yesu aasuka ati, “Uzye asukilizi ali pa cimulo ca winga yangikala akungumale lino yali pamwi na siwinga? Citangaya vivyo! Lelo manda yaliza lino siwinga alasendwa kufuma pano yali, lyene alino yalaizilizya ukulya.

Mateo 9:15 交叉參考

Umbwilo 19:9

Alino mungeli anena ati, “Lemba uti, Alongo ayao aamwa ku cimulo ca winga wa Mwana wa mfwele.” Mungeli alundapo kulanda ati, “Yaa amazwi ya cumi yakwe Leza.”

Yoane 3:29

Nawinga uwakwe siwinga, lelo cuza wakwe siwinga wene akaimilila pipi, nu kuvwa kunoli, nupya akazanga cuze lino uvwa izwi lyakwe siwinga. Vii avino nkazanga cuze.

Umbwilo 21:2

Lyene ndola Musumba Wamuzilo, Yelusalemu mupya, ukwika kufuma mwiyulu kuli Leza. Wene wateyanyiziwe kwati a nawinga wino wayemviwa pa kukomanya iya wakwe.

Milimo 14:23

Muli cila uvi yasontamo aikolo yi uvi. Alino yaizilizya ukulya, yapepa, yaika mu makasa ya Mwene, wino yatailamo.

1 Kolinto 7:5

Caleka cila wenga atalinzile kukanya kufikilizya kulonda kwa mwili ku muze, suka sile ndi mwati muzumilizyanya kuntacita cii pamulandu wakuti musumbe nsita mu kupepa. Lelo mulinzile kutandika nupya kufikilizya ivyaya mu utwazi. Mu musango kwene uu, amuno mulacingililwa ku mezyo yakwe Ciwa pamulandu wa kuntaikanya kwinu.

Yoane 16:6

Lyene ndakai pano namunena vintu vii myenzo inu ili nu ulanda.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

2 Kolinto 11:27

Naomvile nu kupikintika. Lingi napitanga kwaula kulala. Napisile ni nzala nu lusala, lingi nulilwe vyakulya, mwakwikala, nacuzile ku mpepo nu kusizya.

Mateo 9:14

Lyene alondezi yakwe Yoane kawatizya iiza kuli Yesu yamuzya yati, “Uzye pacani cino swemo pamwi na Afaliseo tukaizilizya ukulya, lelo alondezi yako yene yasyaizilizya ukulya?”

Mateo 9:16

Kusi umuntu akakampika cikampa cipya pa nsalu yampiti, pano cikampa cipya cilakambatuka ku nsalu yampiti nu kukuzya icipongo penepo.

Mako 2:19

Yesu nawe aasu ka ati, “Uzye asukilizi ali pa cimulo ca winga yangaizilizya ukulya lino yali pamwi na siwinga? Citangaya vivyo! Lino yali pamwi na siwinga yatange yaizilizye.

Mako 2:20

Lelo manda yaliza lino siwinga alasendwa kufuma panoyali, lyene alino yalaizilizya ukulya.

Luka 5:34

Yesu aasuka ati, “Uzye ungaleka asukilizi ali pa cimulo ca winga kuti yaizilizya ukulya lino yali pamwi na siwinga? Citangaya vivyo!

Luka 5:35

Lelo manda yaliza lino siwinga alasendwa kufuma panoyali, lyene alino yalaizilizya ukulya.”

Luka 17:22

Lyene anena alondezi yakwe ati, “Insita ikwiza lino mulalondesya kulola uwanda wa Mwana wa Muntu, lelo mutalaulola.