Mateo 9:13 - Amazwi Yakwe Leza 2013

¹³ Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mateo 9:13 交叉參考

Mako 2:17

Pa kuvwa cii, Yesu nawe ayanena ati, “Antu apuma yasilonda sing'anga, suka sile alwale. Ntiza ku kwama aololoke, lelo nizila yakaifya.”

Luka 19:10

“Mwana wa Muntu wizile kuti alonde nu kutuula aponge.”

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Luka 5:32

Ntiza ku kwama aololoke, lelo nizila yakaifya kuti yazenzuke.”

Mateo 12:7

Lelo ndi cakuti mwamanyile vino mazwi yaa yakusenula akuti, ‘Nkulonda kuti mwalanga uluse ku antu yauzo kuluta kundetela impolelwa,’ lyene mutangavunuka yano asi na mulandu.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

2 Petulo 3:9

Leza atazingota pa kucita cino walaya, ndi vino yamwi yakaelenganya. Lelo Wene akateeka mwenzo kunomuli, pamulandu wakuti wene asyalonda kuti muntu umwi akononwe. Wene akalonda kuti antu yonsi yazenzuke.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Mateo 3:2

akuti, “Zenzukini, pano Wene wa mwiyulu wati upalama pipi.”

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Mateo 3:8

Mwaomba imilimo isuma yakulanga vino mwati muzenzuka.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Mateo 12:3

Yesu nawe aasuka ati, “Uzye mutawelenga cino Davidi wacisile lino wene na antu yano wali nao yuvwile inzala?

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’

Yoane 10:34

Yesu avwanga ati, “Uzye citalembwa mu Masunde inu vino Leza wati, ‘Mwemwe tuleza.’

Mateo 19:4

Yesu nawe aasuka ati, “Uzye mutawelenga vino pa utandiko Leza wayaumvile umonsi nu mwanaci?

Mateo 12:5

Nanti uzye mutali muwelenge mu Masunde vino cila Sabata yasimapepo yakavuna sunde li Sabata mu Ng'anda ikulu yakwe Leza ukwaula kuvunukwa?

Luka 10:26

Yesu nawe amuuzya ati, “Uzye malembelo yakati uli? Uzye ukauvwa uli ndi wawelenga?”

Mako 12:33

nu muntu alinzile kutemwa Leza nu mwenzo wakwe onsi, na mano yakwe onsi, na maka yakwe onsi, nga nu kutemwa umuze ndi vino waitemwa. Kuyela Masunde ya yaili kwaluta impolelwa zya koca nga nu wila onsi.”

Luka 5:31

Yesu ayanena ati, “Antu apuma yasilonda sing'anga suka sile alwale.