Mateo 8:9 - Amazwi Yakwe Leza 2013

⁹ Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”

Mateo 8:9 交叉參考

Tito 2:9

Azya yalinzile kutontela asambazi yao nu kuyazanzya muli vyonsi. Yene yatalinzile kuya na kasa kunoyali.

Kolose 3:22

Mwe aomvi, namwe mwayela asambazi inu mu vintu vyonsi, asisile lino yakumwangalila pamulandu wakuti mukulonda kuyazanzya. Lelo mulinzile kuyela ni myenzo inu yonsi pamulandu wakucindikilamo Mwene.

Luka 7:8

Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”

Luka 4:39

Nawe aya aimilila pa mbali ya musanzi wakwe alesya impepo, nayo isila. Lyene lilyo kwene umulwale akatuka, atandika nu kuyapela ivyakulya.

Masamu 148:8

mwe nkuwa ni mvula yamawe, mwe cuma na mwe kungwi, na mwe cipunga mwe muno mukayela ilamulo lyakwe.

Masamu 119:91

Ivintu vyonsi vicilipo ukufika na pilelo, apamulandu wi lamulo lyako. Pano vyonsi vikakutumikila.

Mateo 8:8

Lelo musika wa vita amunena ati, “Mwene nemo ntalinzile kuti wize mu ng'anda yane. Lelo vwanga sile izwi, nu muomvi wane amapola.

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mako 1:27

Antu yonsi yazunguka cuze, yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wi ali na maka akupeela ilamulo ku mipasi yankota, nayo imuyela!”

Luka 9:1

Yesu aama alondezi ikumi na yaili pali pamwi, nga ayapeela maka akufumya mipasi yankota yonsi nu kupozya indwala.