Mateo 8:16 - Amazwi Yakwe Leza 2013

¹⁶ Lyene manguzi yamuletela antu aingi ali ni mipasi yankota, nawe aifumya kwi zwi nga apozya na alwale onsi.

Mateo 8:16 交叉參考

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Luka 4:40

Lyene lino ilanzi lyati lyawa, antu yonsi akweti alwale alwile indwala zipusanepusane yayaleta kuli Yesu; alino nawe aikapo makasa yakwe pali cila wenga ayapozya onsi.

Mateo 14:14

Lino Yesu wapatuka mu wato, alola iumba likulu cuze, nga aya na mizu, apozya yao ali alwale.

Milimo 5:15

Pamulandu wa milimo ino atumwa yacitanga, antu yaleta alwale yao mu miseo yayalalika pa vitala na pa vintamba pakuti lino Petulo akupita, cinzingwa cakwe ciwile pali yamwi.

Mako 5:8

Wene wavwanzile cii, pano Yesu wavwanzile ati, “Mupasi wankota, fuma mu muntu wii!”

Mateo 12:22

Lyene yamuletela umuntu wino wali nu mupasi wankota, uwamucisile mpafu na uciulu, nawe Yesu amupozya, umuntu nawe avwanga, nga aalola.

Mako 2:3

Lyene kwizile na antu yamwi ala yasenzile umuntu uwali cite, yamuleta kuli Yesu.

Mateo 9:2

Lyene lilyo kwene aonsi yamwi yamuletela umuntu wino uwali cite, ala aizi pa cintamba. Lino Yesu walola utailo wao, anena icite ati, “Mwanane utasakamala! Maifyo yako yelelwa.”

Mako 9:25

Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”

Mateo 8:33

Acemanga yakapoli yasimula yaya ku musumba, yaya yalanda vyonsi ni cacitike kuli yano ali ni mipasi yankota.

Mateo 8:15

Lyene amukumya pi kasa ni mpepo nayo isila, nga umulwale akatuka atandika nu kumupeela ivyakulya.

Luka 4:41

Mipasi yankota ifuma mu antu aingi, ala ikulaizya ikuti, “Wewe Mwana wakwe Leza!” Yesu akalipila mipasi yankota nupya ataizumilizye kuti ivwange, pano yamanyile vino wali Katuula uwalavilwe.

Luka 13:12

Lino Yesu wamulola, amwama, amunena ati, “Mwanaci we, wakululwa ku ndwala yako.”