Mateo 7:13 - Amazwi Yakwe Leza 2013

¹³ “Ingililini pa mpongolo ifyenkane, pano mpongolo yakwingilila ku ononesi iisalale. Nu museo wakuilamo uusalale, nga na antu aingi yakaingila nu kupitamo.

Mateo 7:13 交叉參考

Mapinda 16:25

Kwaya inzila ino yamwi yakaelenganya ukuti isuma, lelo pakusyalikizya ikatwala ku mfwa.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Yoane 10:9

Nene mulyango! Wino wensi uwingila pali nene, alatuulwa. Wene alingila, alafuma nu kuzana vyakulya.

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

Mapinda 9:6

Tini ukuya imbutuma, nga muye nu uumi, mwapita umu nzila zya kwiluka.”

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 3:8

Mwaomba imilimo isuma yakulanga vino mwati muzenzuka.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Umbwilo 20:15

Wino wensi atalemvilwe izina lyakwe mu lupapulo lwa umi wene wasumbilwe muli yemba wa moto.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Umbwilo 20:3

Lyene mungeli amusumbila mu ciwina caula impela, afungapo nu kumatilila, pakuti atasomba antu amu nko nupya, kufika lino myaka zimbi lyonga ilasila. Pacisila cakwe vii, wene alinzile kusapulwa pa nsita inono.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Utandiko 6:12

Leza alolekesya azana ukuti insi yonsi yazulamo inkota, pano vicitwa vya antu ivya nkota.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Loma 9:22

Na Leza kwene avino waya. Akalonda kuti alange ukali wakwe nu kulanga maka yakwe kuli yao angaloviwa. Lelo mu cifulo cakwe cii Leza akayatekela mwenzo.

Luka 14:33

Mu musango uli onga, namunena vino pasi umwi uwa munomuli angaya mulondezi wane, suka wasya vyonsi vino akweti.”

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Luka 9:33

Lino yaa yaili yacilifumapo yasya Yesu, Petulo anena Yesu ati, “Kasambilizya, catuzipila kuti twali tutenzi kuno kwene. Tumakuula insakwe zitatu, yonga iyakwako, yuze iyakwe Mose, nayuze iyakwe Eliya.” (Atamanyile cino wavwanzile.)

Mapinda 7:27

Ing'anda yakwe ili inzila yakuyila ku mbiko, iyatentemukila uku misolo ya mfwa.

Ezaya 35:8

Kulaya umuseo ukalamba uno ulaamwa ukuti “Umuseo wakutungulula kuli umuzilo.” Umuntu umukowele atalapita mwenemo ni viwelewele vya antu vitange vipumbule yayo akupita mwenemo umu nzila iyo.

Mateo 7:14

Lelo mpongolo yakwingilila ku umi iifyenkane. Nu museo wakuilamo wene watala kulondela, cakuti antu akauzana anono sile.