Mateo 6:5 - Amazwi Yakwe Leza 2013

⁵ “Na lino mukupepa, mutakolana wa asomvi! Yene yatemwa kwimilila nu kupepa mu mang'anda ya mapepo nu mu masansa ya miseo, kuti yalolwe na antu. Cumi namunena vino, yene yapokelela cilambu cao.

Mateo 6:5 交叉參考

Mateo 6:2

“Caleka lino mukupeela uwila kuli umwi, mutaleka yauze yamanye, wakwe vino asomvi yakacita mu mang'anda ya mapepo nu mu misolo kuti antu yayalumbanye. Cumi namunena vino yene yapokelela cilambu cao.

Luka 18:13

Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

Mako 11:25

Lino mwati mwapepa, mutala mwelela umuzo ali nu mulandu namwe pakuti, [

Yelemiya 29:12

Alino lyene mulampunda nu kumpapata, nga nani ndamuvwa.

Ezaya 1:15

Nanti mungakatusya amakasa umupela apakumpepa, nemo lyene ntakusumbanga kweneko amano. Nanti mumpepe uli nemo namapupuzyanga sile, pano iminwe inu ikowele ku uyi.

Luka 20:47

Yano akaliila yamukamfwilwa vyuma mu ucenjezi nu kuyasomba pa kuyapepela mapepo atali. Yaa, kuvunukwa kwao kulaya kukulu cuze.”

Yakobo 4:6

Lelo cikuku cino Leza akatukwatila cene ica maka kuluta. Cili ndi vino malembelo yakati, “Leza akakanya umuntu wensi uwa cilumba, lelo akaya ni cikuku ku muntu uwaicefya.”

Luka 18:1

Lyene Yesu aumila alondezi yakwe mulumbe, kuti ayasambilizye vino yalinzile kupepa nsita zyonsi kwaula kunenuka.

Danieli 6:10

Lyene lino Danieli wamanya ukuti icipope caticilembwa, aya ukwakwe, uku muputule wapapela, kuno amawindo yalozya ku Yelusalemu. Kuku kwene, ndi vino wacitanga lyonsi, Danieli afukama pansi apipi ni windo iliyulwe nga apepa kuli Leza wakwe, nu kumutaizya amaila yatatu umu wanda.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Luka 11:43

“Kalanda kunomuli mwe Afaliseo! Mwatemwa ivilimba vya ucindami mu mang'anda ya mapepo nu kulamukwa nu mucinzi mu masokoni.

Mateo 21:22

Na consi cino mwalenga mwi pepo, ndi mwataila mulapokelela.”

Masamu 55:17

Ukuilizyanya nu kuteta kwane kukauvwika kunoli katondotondo, umusanya nu usiku. Nu kuvwa wene akauvwa izwi lyane.

Masamu 5:2

Kutika ku kupapata kwane, we Mwene nupya Leza wane. Nkapepa kunuli we Yawe.

1 Tesalonika 5:17

pepini nsita zyonsi,

Yoane 16:24

Kufika na ndakai mutali mulenge cimwi mwi zina lyane. Lengini nga mulapelwa, kuti muzange cuze.

Mako 12:38

Lyene ayasambilizya ati, “Cenjelini kuli yakasambilizya ya Masunde, yano atemwa kutandala ni mingila yao itali nu kulamukwa nu mucinzi mu masokoni.

Mateo 9:38

Caleka pepini ku mwine wa uzombozi kuti atume aomvi nayauze ku uzombozi wakwe.”

Mateo 23:13

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukayalila antu kunzi kuti yatingila mu Wene wa mwiyulu. Mweisikulu musyaingilamo nupya mukayalila yano akalonda kwingilamo. [

Mapinda 16:5

Yawe wapata umwenzo wacilumba, tutangatwisika palwa kupeziwa kwakwe.

Mateo 23:6

Yene yatemwa vifulo visuma pa vimulo nga ni vilimba vya ucindami mu mang'anda ya mapepo.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 6:1

“Mutacita milimo isuma kuti mwalolwa na antu. Pano ndi mumacita vivyo ale musi ni cilambu kuli So winu uwa mwiyulu.

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Luka 6:24

“Lelo kalanda kuli mwemwe mwe akama. Pano mwemo mwapokelela mpiti upemwilo.