25 Caleka namunena ukuti mutasakamala pali vino mumalya pakuti muye nu umi, nanti pa vizwalo vyakuzwika imili inu. Uzye umi utalusile ivyakulya, nu mwili utalusile vizwalo?
Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.
Ikini masakamiko inu pali Leza, pano wene akamusakamala.
Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?
Uwatuula masakamiko yako kuli Yawe, nawe amakuwakanga. Wene asitazyela umuntu musuma ukuti yamutonsye foo.
“Caleka mutasakamala muti, ‘Tumalya cani? Nanti tumamwa cani? Nanti tumazwala cani?’
Lelo masakamiko ya wikazi wamu nsi ii, kusombwa nu ukama, nu kulonda kwa vintu vyuze, vikaingila nu kutotola mazwi. Alino yasyaseeka vizao.
Lelo lino yalamulema, mutakalanguluke nkolelo pali vino mulavwanga nanti musango uno mulavwangilamo. Lino nsita iliza mulapelwa cino mulavwanga.
Nkulonda kuti mutaya na masakamiko. Monsi wino atatwala akasakamala mulimo wa Mwene, pano wene akaezya kuzanzya Mwene.
Caleka mutasakamala pa vintu vya mutondo, pano uwa mutondo wene ulaisakamala uwisikulu. Amanda yasyacela mumwi.
Musilika wino ali pa mulimo wene akalonda kuzanzya musika mukulu. Caleka wene asyaitumpa mu vicitwa visi vya asilika.
Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi wamu nsi ii, nu ukama, nga nu kuipakizya kwa umi uu, viza vitotola mazwi nga ni vizao vyakweyo visyaca.
Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.
“Lino mwemo yamuleta ku mang'anda ya mapepo nu ku yalasi, nga na kuli yakateeka, mutakasakamale pali vino mungaipokolola nanti pali vino mulavwanga.
Lyene lino mpelelekezyo itali ifike yalamulema nu kumutwala mu cilye ca milandu mutakalanguluke nkolelo pali vino mulavwanga. Lino nsita iliza, muce muvwange cino cilapelwa kunomuli. Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.
Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”
