Mateo 6:13 - Amazwi Yakwe Leza 2013

¹³ Utaleka tuponele mukweziwa kukome lelo ututuule ku Mwipe wilya.’

Mateo 6:13 交叉參考

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Yoane 17:15

Nsyakupepa kunuli kuti uyafumye mu nsi, lelo nkupepa kunuli kuti uyasunge ningo ku mwipe wilya.

Mateo 26:41

Pempulini nu kupepa kuti mutaponela mu matunko. Umwenzo ukulondesya, lelo umwili uutonte.”

Umbwilo 19:1

Pacisila cakwe vii nuvwile cimwi cino cuvwikike kwati ciunda ci umba likulu lya antu mwiyulu, yakuti, “Aleluya! Ufyusi, lulumbi, na maka ivyakwe Leza witu!

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Mateo 6:10

Uwene wako wize, kulonda kwako kucitike pansi vino kukacitika mwiyulu.

Yelemiya 15:21

Ndakutuula ku makasa ya aipe nupya akakate.”

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Masamu 47:7

Leza ali kateeka wa nsi zyonsi, mulumbanyini umu nyimbo.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Umbwilo 21:4

Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vyampiti vyati vipita.”

Masamu 10:16

Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

1 Yoane 3:8

Wino wensi akatwalilila kwifya wene uwakwe Ciwa. Pano Ciwa wifizye kufuma ku utandiko kwene. Mwana wakwe Leza walolike pamulandu kwene uu, kuti aonone vino Ciwa wacita.

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

Masamu 41:13

Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Kufuma 15:18

We, Yawe wewe mwene amanda pe.”

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

2 Kolinto 1:20

Klistu akati, “Ee” ku malayo yakwe Leza onsi. Uli mulandu uno tukavwangila muli Klistu Yesu tuti “Ameni” apa kulumbanya Leza.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Mpendwa 5:22

Sa manzi yaa yano yakaleta vitipu yingile mu ndilwa yako nu kuleka ivimbe nga ni vyanzwalo vyako vinyaluluke ni ila lya uvyazi wako lifupame.” Lyene umwanaci wiyo alinzile kuzumila ati, “Nazumila. Si Yawe acite vivyo kwene.”

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Mateo 5:37

Lelo lino mukuzumila mazwi inu muvwange muti, ‘Ee’ nanti lino mukukana muti, ‘Awe.’ Mazwi yauze kuluta pali yaa, yene yakafuma kuli Ciwa, Mwipe wilya.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Mapinda 30:8

Utaleka nje uwantumpu kunuli, lelo funtusya ucenjezi onsi kunondi. Nupya utaleka nje umupina nanti umukama. Fwandi uwampelako sile icakulya icilingine,

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

1 Kolinto 14:16

Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Danieli 7:18

Lelo aswepe yakwe Leza Wapapelapela yalapokelela uwene na maka ya utesi nga yalausunga amanda pe.”

Masamu 106:48

Lumbanyini Yawe, Leza wa ina Izlaeli. Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene!” Lumbanyini Yawe.

Masamu 89:52

Endi, katule twalukulumbanya Yawe pee. Ciye vivyo kwene! Ciye vivyo kwene!

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

1 Yamwene 1:36

Benaya umwana wakwe Yeoyada nawe avwanga ati, “Cimacitwa vivyo kwene. Si angala Yawe, Leza wako nawe azumilizye cintu cii!

Umbwilo 19:4

Aikolo makumi yaili na yani nga ni viumbwa vini vyaumi vifukama nu kupepa Leza wino uwatenzi pa cilimba ca wene. Yavwanga yati, “Ameni! Aleluya!”

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Ayebulai 11:36

Yamwi yayasowike nu kuyanyambola, yauze nao yanyefilwe mu minyololo nu kuyatwala ku ng'anda yaminyololo.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Yelemiya 28:6

Kale acite muno atemilwe, Yawe ace afikilizye amazwi yano nalinasema, asuke ace awezezye kuno iviya vya mu ng'anda yakwe Yawe na azya yonsi yano yaya mu Babiloni.

Masamu 22:28

Pano Yawe ali kateeka kwene. Ali wino wateeka na antu amu nko zyonsi.