39 Lelo nemo namunena nati, mutacita cilanduzi ku muntu mwipe. Muntu umwi ndi wakuuma pi tama lilunji, musenwile ni limani kwene, kuti aumepo.
Mwasakamala ukuntacitilana cilanduzi. Lelo nsita zyonsi mulinzile kukwata simwililo lya kucita cisuma kuli cila wenga nga nu ku antu onsi.
Mutawezezyanya viipe nanti ntipu. Lelo ndi umwi wamucitila ciipe, mwemo mumupolelele. Pano kupolelelwa akuno Leza wamulavile lino wamusolwile.
Utalanda ukuti ulalandula pa uyi uno yakucitila, uwataila sile muli Yawe, aliwe alakupususya.
Nanti tungapumwa uli tutukwe ni ntusi, tulinzile twavipokelela sile.
Utalandula uyi wa muntu umwi nanti kutwalilila kupata umuntu umwi. Lelo uwatemwa muzo ndi vino waitemwa. Nene indi Yawe.
Utalanda ukuti, “Eya, kwene nkumucita wakwe vino wancisile! Eya ee, apakuti cisikane!”
Nafutatile itundu lyane kuli yayo angumanga, na matama yane nisile kuli yano yanjipanga vilezu Ntafisanga usyu wane kuli yayo ansaalulanga nu kunswila amati.
Kusitakana ku cilye ca milandu pakasi kinu, kukalanga paswe ukuti mwemo mwati mucimviwa. Cange cizipe ndi cakuti yauze yatala milandu kunomuli! Nupya cange cizipe ndi cakuti yauze iiya cimwi kunomuli!
Mwemo mwapingula nu kukoma antu akaele, yano atezizye kulwisya mwemwe.
Antu yonsi yatiyanjasamwila utunwa twao. Yakundizizya nu kumpamola amapi apa manso.
Pano mukulwisya maifyo lelo mwemo mutacili mulwisye kufika ku musinku wa kukomwa.
Alino yamuvimba pa manso, yamuzya yati, “Ale tunganya! Uzye aweni uwakuma?”
Lyene Zedekiya umwana umonsi wakwe Kenaana, apalama pipi nga apama Mikaya ulupi api tama ati nu kuti, “Uzye Mupasi wakwe Yawe afumile nsita cii muli nene pakuti aize alanda muli wewe?”
Lyene konganikini impuka zya vita, mwe ikazi yaku Yelusalemu, pano anisi yatiyatuteyamila. Yene yakupoola intunguluzi ya ina Izlaeli umunzekete ni mbuungo.
Muntu umwi ndi wakutwala ku cilye pakuti akupoke ilaya lyako, muleke atoole ni koti kwene.
Yakasambilizya ya Masunde yamwi na Afaliseo yalondelezyanga mulandu wakupeela Yesu. Caleka yamucevya kuti yalole ndi amamupozya pa Sabata.
Yesu amwaasuka ati, “Ndi nati mvwanga cimwi ciipe, unsinile pa manso yakwe yano onsi ali pano. Lelo ndi ntaluvinye muli vino nati mvwanga, uzye pacani wanguma?”
