Mateo 5:3 - Amazwi Yakwe Leza 2013

³ “Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Mateo 5:3 交叉參考

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Masamu 34:18

Yawe akaya umupipi sana na yayo ati yaputuka imisana. Wene akapususya antu yano yati yapelelwa amano.

Mapinda 16:19

Ukuicefya apa antu alanda ukusuma ukuluta ukwankana ivyuma ivisampwe na antu ya vilumba.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

2 Milandu 34:27

pasi pano waicefizye, wazenzuka pa manso yane. Walepozile ni vyakuzwala vyako apakulanga ulanda. Wemo uvwile vino napingwile Yelusalemu na ikazi yamwenemo. Nemo fwandi natinuvwa ipepo lyako.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Masamu 112:1

Lumbanyini Yawe! Wasyuka wiyo akacindika Yawe, wiyo uwatemwisya amasunde yakwe.

Masamu 1:1

Walongo umuntu asiya ku matengo ya antu aipe, uku kupandwa amano. Asilondelela imisango yakwe yakaifya, nanti ukwizya pamwi na antu amiponto.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Mateo 13:16

“Lelo mwemo muli nu longo! Pano manso inu yakalola na matwi inu yakauvwa.

Ezaya 30:18

Nanti cingaya vivyo, lelo kwene nemo ne Yawe namamulolelanga pakuti namukwatila uluse. Nkalondesya ukumukwatila uluse, pano nemo lyonsi nkacita ivilondoloke. Ala asyuke ayayo yano yataila muli Yawe.

Masamu 146:5

Alongo antu yano Leza wakwe Yakobo ali kazwa wao, yano yakapaalila muli Yawe Leza wao,

2 Milandu 33:12

Umu kucula kuno wacuzile asuka aya umutontela ngozi nu kuicefya apakalamba pa manso yakwe Yawe Leza wakwe. Alino amupapata nu kumulenga kuti amuyele uluse.

Masamu 41:1

Walongo umuntu wiyo akasakamala mupina nu mulanda, Yawe nawe alamukulula uwanda wa ntazi.

Masamu 2:12

Pano wene ndi wasoka angamulovya, pano icipyu cakwe cikaaka zuwa. Alongo ayayo akazina kunoli.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

Yoane 20:29

Yesu amunena ati, “Uzye wataila pano wandola? Alongo ayao akataila na lino yataweni.”

Mateo 24:46

Walongo umuomvi wiyo wino mwene wakwe alazana akucita wakwe vii lino aliza.

Masamu 84:12

We Yawe Leza Wamaka yonsi, icacumi yasyuka yayo akutaila!

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Yakobo 1:10

Mwina Klistu mukama nawe alinzile kusansamuka lino Leza wamupoka ucindami. Pano akama yalafwa wa maluwa amu mpanga.

Mapinda 8:32

Icaleka fwandi, mwe yanane, kutikini kunondi, alongo antu yano yakalondela inzila zyane.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.

Umbwilo 19:9

Alino mungeli anena ati, “Lemba uti, Alongo ayao aamwa ku cimulo ca winga wa Mwana wa mfwele.” Mungeli alundapo kulanda ati, “Yaa amazwi ya cumi yakwe Leza.”

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Masamu 128:1

Walongo umuntu wensi akaoopa Yawe, akalondela inzila zyakwe.

Mateo 11:6

Alongo ayao asikuntwisika.”

Mateo 8:11

Cumi namunena nati, nayauze aingi yalafuma mu nsi yonsi nu kwikala pali pamwi na Abulaamu na Isaki na Yakobo mu Wene wa mwiyulu.

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 19:14

Lyene Yesu ayanena ati, “Lekini ana anono iize kunondi, mutayalesya, pano Uwene wa mwiyulu uwakwe yao ali ndi yaa.”

Luka 22:29

Namupeela Uwene wakwe vino Tata wampile Uwene.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Umbwilo 3:17

Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.