Mateo 5:16 - Amazwi Yakwe Leza 2013

¹⁶ Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Mateo 5:16 交叉參考

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

Yoane 15:8

Tata akalumbanyiwa ndi mukuseeka vizao vingi. Mu musango ndi uu, mulaya alondezi yane mu cumi.

Efeso 5:8

Mpiti mwali wa antu akaikala mu mfinzi, lelo ndakai mwemwe antu amu luswepo pano mwemwe antu ya Mwene. Acino mwacita vintu wa antu amu luswepo

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

1 Petulo 4:14

Alongo amwemwe ndi cakuti antu yamutuka pamulandu wakulondela Klistu. Cii cikulanga ukuti Mupasi wa lulumbi, Mupasi wakwe Leza ali namwe.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Ezaya 58:8

“Ndi cakuti caya vivyo ale lyene uluzango lwane lulayengesa wa luswepo lwi lanzi lino likutunka, ni vilonda vinu vilapola sile zuwazuwa ukwaula nu kusumba kasita. Lyene nani kwene ale ndaya namwe lyonsi kwene apa kumupususya. Ndaya penepo apakuti namucingilila monsi monsi.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

2 Kolinto 9:13

Na pa usininkizyo uno kutumikila kwinu kuu kukaleta, antu aingi yalapeela lulumbi kuli Leza pa kuyela kuno mwayela Ilandwe Lisuma lya pali Klistu, lino mwazumila, nga na pa kwankana pamwi nao vintu vinu nga na yauze.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Ayebulai 10:24

Lekini twasakamala nu kwazwana nu kutemwa kucita visuma.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.

1 Tesalonika 2:12

Swemo twamukomelizye, twamutekizye myenzo nu kutwalilila kumupapata kwikala umi uno ukazanzya Leza, wino uwa mwama kuti mukumeko ku Wene nga nu lulumbi lwakwe.

1 Petulo 3:1

Mu musango uli onga kwene mwe anaci mulinzile kuyela yaiya inu, pakuti ndi umwi munomuli wino atataila mazwi yakwe Leza walola vicitwa vinu visuma, nawe kwene ataile. Citange cilondekwe kuti mulande izwi kunoyali,

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

1 Timoti 5:25

Mu musango uli onga milimo isuma ikaloleka paswe, nga na iyo itangaloleka paswe nayo itangafiswa.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.

Galatiya 1:24

Caleka yene yatasyanga Leza pamulandu wane.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Tito 3:4

Lelo lino luse nu kutemwa kwakwe Leza Katuula witu vyasokolwilwe,

1 Kolinto 14:25

alino vifisame vyamu mwenzo wakwe vilaumbulwa paswe, nga nawe alafukama ainame nu kupepa Leza, ale akulanda ati, “Cumi kwene Leza ali pakasi kinu.”

Luka 11:2

Lyene Yesu ayanena ati, “Lino mukupepa, mwati, ‘Tata, Izina lyako licindikwe; Uwene wako wize.

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Mateo 6:16

“Nupya lino mukuizilizya ukulya mutaya wa asomvi, akanyomeka mausyu yao pakuti antu yamanye vino yati yaizilizya ukulya. Cumi namunena nati, yene yapokelela cilambu cao.

Mateo 23:9

Mutaama umuntu nanti umwi pano pa nsi muti ‘Tata,’ pano mwakwata So wenga sile, wino uwa mwiyulu.

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Kufuma 34:35

Antu yalola ukuti impumi yakwe ikuyengesa. Lyene avimba insalu ku manso mpaka kufika insita yuze lino alingila mwi Taalu lya Ukongano ku kuvwanga na Yawe.