Mateo 5:15 - Amazwi Yakwe Leza 2013

¹⁵ Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda.

Mateo 5:15 交叉參考

Mako 4:21

Yesu atwalilila kuvwanga ati, “Uzye umwi angatola ilampi nu kulitupika mu nyungu nanti kuliika mwi zungu? Uzye atangaliike pa sanzame?

Luka 11:33

“Kusi umwi akakozya ilampi nu kuliika mu ncende ifisame, nanti kulitupika mu nyungu. Lelo akaliika pa sanzame, pakuti antu akwingila mu ng'anda yalole luswepo.

Luka 8:16

“Kusi umwi akakozya ilampi nu kulitupika mu nyungu, nanti kuliika mwi zungu. Lelo akaliika pa sanzame pakuti antu yangalola uluswepo lino yakwingila.

Mpendwa 8:2

“Nena Aaloni ukuti lino umakozya inyali cinimbali, zili nu kwaka pankolelo ya cakutekapo inyali.”

Kufuma 25:37

Upange inyali cinimbali nu kuyika pa cakutekapo ilampi pakuti yapeela uluswepo ku nkolelo.

Zakaliya 4:2

Alino anguzya ati, “Uzye icani cino ukulolekesya?” Nga nani imwasuka inti, “Nkulolekesya cakutekapo inyali, naco cili sile cakwe zaabu mutuputupu, nkulolekesya na pa musazi wa mafuta uli papela yakweco, nga ni nyali penepo cinimbali. Inyali zyonsi yonga yonga zyakweti vipongo vya utambi cinimbali.

Luka 11:36

Mili inu yonsi ndi izilemo luswepo, ukwaula kuti cilundwa cimwi ciye mu mfinzi, Lyene cila cilundwa cilayengesa, wakwe vino ilampi likayengesa panomuli.”

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Ayebulai 9:2

Antu iimike itaalu. Muputule wakwe conga yawamanga ukuti Ncende Yamuzilo. Muu umwali cakutekapo ilampi ni cipango apali umukate uno wapilwe kuli Leza.

Umbwilo 2:5

Elenganya pa kupona kuno wapona. Zenzuka nu kucita vino wacisile nkolelo. Ndi utazenzwike, ndiza kunuli nu kufumya cakutekapo nyali mu ncende yakweco.