Mateo 4:17 - Amazwi Yakwe Leza 2013

¹⁷ Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mateo 4:17 交叉參考

Mateo 3:2

akuti, “Zenzukini, pano Wene wa mwiyulu wati upalama pipi.”

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Luka 5:32

Ntiza ku kwama aololoke, lelo nizila yakaifya kuti yazenzuke.”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Luka 15:7

Mu musango uli onga, namunena vino, kulaya insansa zingi mwiyulu pali kaifya wenga uwazenzuka kuluta antu makumi fundimbali na fundimbali acindame yano yakaelenganya ukuti citakulondekwa kuti yazenzuke.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Ayebulai 6:1

Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Mateo 25:1

“Yesu ayanena mulumbe uu ati, Uwene wa mwiyulu ukoline ni cacitike usiku wanda umwi, lino akazyana ikumi, yatozile inyali zyao zizi ku winga ku kukomanya siwinga.

Mateo 13:47

“Nupya kwene Uwene wa mwiyulu ukoline na cino cikacitika lino yamwi yasumba isumbo pali yemba, nga nu kulema inswi zya misango yonsi.

Mateo 10:7

Lino mukupita, mwakosola ilandwe lii, muti, ‘Uwene wa mwiyulu wati upalama pipi.’

Luka 9:2

Lyene ayatuma ku kukosola vya Wene wakwe Leza nu kupozya alwale.

Mateo 11:12

Kufuma mu manda yakwe Yoane Kawatizya kufika na ndakai, antu yakalwisyanya nu Wene wa mwiyulu, na antu ya maka alio yakuupoka.

Mateo 13:24

Yesu ayanena mulumbe na uze ati, “Uwene wa mwiyulu ukoline ni cikacitika lino umuntu wata imbezu zisuma mu calo cakwe.

Mateo 13:9

Lyene Yesu ayanena ati, “Ali na matwi yakuuvwa, auvwe!”

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Mateo 6:10

Uwene wako wize, kulonda kwako kucitike pansi vino kukacitika mwiyulu.

Luka 3:23

Yesu wali ni myaka makumi yatatu lino watandike kuomba incito yakwe. Antu yelenginye ukuti wene umwana umonsi wakwe Yosefu, wino wali mwana wakwe Heli,