Mateo 3:4 - Amazwi Yakwe Leza 2013

⁴ Vizwalo vyakwe Yoane vyapanzilwe ku mavumbu ya ngamila, nupya wazwalanga musipi wa mpapa mu musana. Vyakulya vyakwe vyali a makanta nu uci uwamu mpanga.

Mateo 3:4 交叉參考

2 Yamwene 1:8

Nazyo zyaasuka ziti, “Muntu wiyo walazwite umwingila uwapangilwa ni mpapa ya nyama, azwite nu musipi wa mpapa.” Aaziya nawe avwanga ati, “Iye! A Eliya umwina Tisyibe!”

Aina Levi 11:22

Mungalya musango uli onsi wakwe makanta, yenza, inyenze nanti yambala.

Mako 1:6

Yoane wazwalanga vizwalo vyapanzilwe ku mavumbu ya ngamila, nu musipi wa mpapa mu musana, ni vyakulya vyakwe vyali a makanta nu uci uwamu mpanga.

Mateo 11:8

Ndi cisi vivyo uzye mwaile kukulola cani? Uzye umuntu uwazwite insalu ziyembe? Awe! Antu akazwala wakwe vivyo ayao akazanwa mu masano.

Zakaliya 13:4

Insita iyo ndi yafika kutalaya kasema nanti wenga alayuvwa pa vilolwa vyakwe, nanti kuzwala vyakuzwala vya usemo pakuti atumpoka ukuti akasema.

Luka 1:17

Nupya wene alakolelela Mwene, mu kuposya kwa mwenzo nu mu maka wakwe vino kasema Eliya wali. Nupya alakundanya ana na ya isi, nu kusenula yacipote kuti yatandike kulondela inzila zyawololoke, pakuti ateyanyizizye antu ku kwiza kwa Mwene.”

Malaki 4:5

“Lelo lino uwanda uo ukulu uwakofya wakwe Yawe utali kuti ufike, ndamutumila kasema Eliya.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Mateo 11:18

Pano Yoane wizile, aizilizya ukulya nu kumwa waini, nga nao yati, ‘Ali nu mupasi wankota.’

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.

Ezaya 20:2

Apa nsita kwene ilya walanga Yawe wavwanga mpiti ukupitila muli kasema Ezaya umwana umonsi wakwe Amozi. Wene wamunenyile ati, “Yanga ukazuule insalu zyako zya ndosya nga ni ndyatu uku ngazo zyako.” Ezaya nawe ali pakucita cico, ala akupita tupu ukwaula nanti ndyatu uku ngazo.